भारतीय नीतिमा भूमिका खेल्ने अमित शाह र रवि लामिछानेको अर्थपूर्ण भेट,  भारतले नेपाल नीतिमा गर्दैछ फेरबदल ?

काठमाडौँ । राष्ट्रिय स्वतन्त्र पार्टीका सभापति रवि लामिछानेको भ्रमणलाइ भारतले निकै महत्व दिएको छ । भारत सरकारको रणनीति र संस्थाापनमा निर्णायक भूमिका खेल्ने गृहमन्त्री अमित शाहले समेत सभापति लामिछानेसँग भेट गर्नुले नेपाल मामिलामा भारतले गम्भीरता देखाएको बुझ्न सकिन्छ । 

अब नेपाल नीतिमा केही परिवर्तन पनि भारतले चाहेको जानकारहरू बताउँछन् । भारतीय जनता पार्टीका पूर्वअध्यक्ष समेत रहेका गृहमन्त्री शाहले आफ्नो सात वर्षको कार्यकालसम्म विदेशी नेतासँग औपचारिक भेटवार्ता गरेका छैनन् । नेपालका सन्दर्भमा त छँदैछैन । 

Watch On

गृहमन्त्री रहेका भारतीय प्रधानमन्त्री नरेन्द्र मोदीका निकै विश्वासपात्र शाहले सभापति लामिछानेसँग दुइ देशका विकास कुटनीतिमा जोड दिएका छन् । जुन कुरा लामिछानेले उठाउँदै आएका छन् । रोचक कुरा के छ भने भारतीय गृहमन्त्री शाहले मन्त्रालय सम्हालेदेखि कुनै देशको पनि औपचारिक भ्रमण गरेका छैनन् । भनिन्छ उनीसँग कुटनीतिक बाहेकका आफ्नो राहदानी नै छैन । 

शाह नेपाल आउन भने चाहेका छन् । यसबारे पनि दुइ नेताबीच कुराकानी भएको छ । भाजपाको निमन्त्रणामा दिल्ली पुगेका रास्वपा सभापति रवि लामिछानेलाइ यसपटक विगतभन्दा विशेष सम्मान दिइएको छ । 

भारतको सत्ता सञ्चालनमा अमित शाह, विदेशमन्त्री एस जयशंकर र राष्ट्रिय सुरक्षा सल्लाहकार अजित डोभल निर्णायक मानिन्छन् । उनीहरूकै सल्लाहमा मोदीले काम गर्ने गरेका छन् । यो सभापति रवि लामिछानेको भारत भ्रमणलाई भाजपा र भारत सरकारले दिएको उच्च सम्मानको उदाहरण हो ।