नेभिगेशन
समाज

भारतमा परराष्ट्रमन्त्री शिशिर खनालको पत्रकार सम्मेलन: सीमादेखि गोर्खा सैनिक भर्तीसम्मका प्रश्न (भिडियोसहित)

काठमाडौँ । परराष्ट्रमन्त्री शिशिर खनाल भारतको दुई दिने भ्रमण सकेर आज स्वदेश फर्किँदै छन् । 

शनिबार राति भारतीय समकक्षी एस जयशंकरसँग द्विपक्षीय छलफलपछि संयुक्तरुपमा तीन घोषणा गरिएको परराष्ट्रमन्त्री खनालले आज नेपाल फर्किनु अघि  दिल्लीस्थित नेपाली दूतावासमा पत्रकार सम्मेलन गरेका थिए । यस्ता थिए, पत्रकार सम्मेलालनमा भारतीय पत्रकारहरूले गरेको प्रश्न र  परराष्ट्रमन्त्री खनालले दिएका जवाफः 

Watch On

Facebook Tiktok Youtube Instagram Twitter

Marvel
Extreme Energy

प्रश्नः परराष्ट्र सचिव विक्रम मिस्रीलाई प्रधानमन्त्री कार्यालयले समय नदिएको र त्यसैले उनले आफ्नो भ्रमणको तालिका फेर्नुपरेको भन्ने बारेमा निकै अड्कलबाजीहरू भएका थिए। के यसमा केही प्रकाश पार्न सक्नुहुन्छ ? अनि प्रधानमन्त्री बालेन शाहको टिप्पणीले पनि उनी भारतसँगको सीमा विवादमा संयुक्त अधिराज्य (यूके) लाई पत्र लेख्न र चीनलाई पनि सामेल गर्न चाहन्छन् भन्ने संकेत गरेको देखिन्छ । भारतीय विदेश मन्त्रालयले सीमाको विषय एक द्विपक्षीय विषय हो र यसलाई द्विपक्षीय रूपमै समाधान गरिनुपर्छ भनेर निकै प्रष्ट पारिसकेको छ। यसमा तपाईंको धारणा के छ ?

जवाफः तपाईंलाई पहिले नै थाहा भएकै कुरा हो, नेपालले विगत धेरै वर्षदेखि हाम्रो भूमिमाथिको दाबीका सम्बन्धमा कूटनीतिक नोटहरू पठाउँदै आएको छ। किनभने त्यो सम्झौता भारत र चीनबीच भएको थियो।

हामीले भारत र चीन दुवैलाई औपचारिक कूटनीतिक माध्यमबाट हाम्रो धारणा व्यक्त गरिसकेका छौँ। त्यसैले, त्यो दृष्टिकोणबाट हामीले दुवै देशलाई स्पष्ट रूपमा के भनेका छौँ भने त्यो भूमि हाम्रो हो। यो हाम्रो ऐतिहासिक कुरा हो। त्यसैले, यूकेको सन्दर्भमा प्रधानमन्त्रीले बोल्नुभएको कुरा पनि त्यही हो।

तपाईंलाई थाहा छ, यी मध्ये धेरैजसो सीमा विवादहरू लामो ऐतिहासिक विरासतका हिस्सा हुन्, विशेष गरी नेपाल(भारतको वर्तमान सीमा १८१६ को सुगौली सन्धिबाट आउँछ। त्यसैले, प्रधानमन्त्रीज्यूले निकै प्रष्ट रूपमा जोड दिनुभए झैँ, जब हामी टेबलमा बस्छौँ, यो दुई पक्षबीच टेबल वार्ता र कूटनीतिक संयन्त्रका माध्यमबाट समाधान हुनेछ। त्यसैले हामी हाम्रा विवादहरू कूटनीतिक प्रक्रियाबाटै समाधान गर्न चाहन्छौँ।

हामीलाई ऐतिहासिक प्रमाणहरू आवश्यक पर्छन्, हामी यूकेका पुस्तकालय वा संग्रहालयहरूमा हुन सक्ने केही दस्तावेजहरूमा हाम्रो पहुँच हुन सक्छ कि भनेर हेर्न मात्र चाहन्थ्यौँ। तर यसको अर्थ हामीले मध्यस्थता मागेका हौँ भन्ने होइन, त्यो उहाँको (बालेन शाहको) आशय होइन।

यदि तपाईंले संसद्‌मा उहाँले भन्नुभएको कुरा सुन्नुभयो भने, उहाँले निकै प्रष्ट र विशिष्ट रूपमा भन्नुभएको छ, हामी आपसमा कुराकानी गरेर कूटनीतिक माध्यमबाट हाम्रा सीमा विवादहरू समाधान गर्न चाहन्छौँ। नेपालको ऐतिहासिक अडान पनि यही रहँदै आएको छ र हाम्रो वर्तमान अडान पनि यही नै हो।

प्रश्नःतपाईंले (भ्रमण) सुरु गर्नुअघि भेषबहादुर थापालाई भेट्नुभएको थियो, जसले तपाईंलाई ईपीजी को प्रतिवेदनको चाबी दिनुभएको थियो। के त्यो प्रतिवेदन सार्वजनिक गर्ने तपाईंको कुनै योजना छ ?

ईपीजी दुई देशका प्रधानमन्त्रीहरूको सहमतिमा गठन गरिएको हो र यो प्रतिवेदन दुवै प्रधानमन्त्रीलाई मात्र बुझाउन सकिन्छ। त्यसैले, त्यो सम्झौता नभएसम्म मलाई त्यसलाई सार्वजनिक गर्ने वा केही गर्ने कुनै अधिकार छैन। यदि र जब त्यो सम्झौता हुन्छ, त्यसले नै उक्त संयन्त्रको विस्तृत रूप तय गर्नेछ।

प्रश्नःके तपाईंले भारतीय पक्षबाट, र विशेष गरी विदेश मन्त्रीसँगको कुराकानीमा, भारत-नेपाल मैत्री सन्धिको पुनरावलोकनको समयसीमा बारे कुनै आश्वासन पाउनुभयो ?

हामीले फेरि व्यापक विषयहरूमा छलफल गर्‍यौँ। तपाईंलाई थाहा छ, यो मेरो पहिलो भ्रमण हो। हाम्रो सरकार सत्तामा आएको भर्खर दुई महिनाभन्दा थोरै बढी मात्र भएको छ। त्यसैले यो पहिलो भ्रमण बढी मात्रामा त्यस्तो भ्रमण हो जहाँ हामी द्विपक्षीय सम्बन्धका सबै आयामहरूको समीक्षा गरिरहेका छौँ। त्यसैले, म फेरि दुवै पक्षलाई वार्ता र कूटनीतिक प्रक्रियाबाट सबै बाँकी रहेका विषयहरू समाधान गर्न जोड दिन चाहन्छु।

प्रश्नःकैलाश मानसरोबार यात्राकोबारेमा बारेमा के कुराकानी भयो ? तपाईंहरू कुनै समाधानमा पुग्नुभएको छ ?

नेपाल भएर यात्रा गर्ने धेरैलाई हामी नेपाली पर्यटकका रूपमा नेपालका विभिन्न सीमा नाकाहरूबाट स्वागत गर्छौँ, हामीले त्यसलाई सहज बनाएका छौँ। हाम्रा चासोहरू भारत र चीनबीच लिपुलेक र कालापानी क्षेत्रलाई लिएर भएको नयाँ सम्झौताप्रति हुन्, जहाँ हामीले धेरै लामो समयदेखि ती भूमिहरू हाम्रा हुन् भनेर आफ्नो दाबी प्रस्तुत गर्दै आएका छौँ । र हाम्रो सहमति बिना दुई देशले आफैँ सम्झौता गर्न सक्दैनन् । यो कुरा हामीले दुवै देशलाई कूटनीतिक नोटहरू सहितका निकै प्रष्ट रूपमा जानकारी गराएका छौँ।

प्रश्नःनयाँ सरकारले कार्यभार सम्हालेपछि नेपाल एक ‘बफर स्टेट’ बाट ‘भाइब्रन्ट ब्रिज’ बन्ने तर्फ अघि बढ्ने कुरा विशेष रूपमा उल्लेख गरिएको थियो ।दुई ठूला शक्तिहरूलाई जोड्ने पुलका रूपमा यो आएको थियो । यो भ्रमणपछि तपाईं चीन पनि जाँदै हुनुहुन्छ। के यो ‘भाइब्रन्ट ब्रिज’ को अवधारणाबारे यहाँ छलफल भयो र त्यहाँ पनि छलफल हुनेछ ?

बिल्कुल। नेपाल ऐतिहासिक रूपमा नै सधैँ (एक पुल) रहँदै आएको छ। यो मेरो पहिलो आधिकारिक भ्रमण हो। यो विशेष गरी हाम्रा महत्त्वपूर्ण छिमेकीहरूसँग सरकारका प्राथमिकताहरू आदानप्रदान गर्न र हाम्रो द्विपक्षीय सम्बन्धलाई अघि बढाउनका लागि नेपालको तर्फबाट गरिएको दृष्टिकोणको एक हिस्सा हो। यस विशिष्ट भ्रमणका लागि, हामी हाम्रो द्विपक्षीय आयाममा बढी केन्द्रित छौँ।

प्रश्नःभारतीय सेनामा गोर्खा सैनिक भर्नाका सम्बन्धमा कुनै छलफल भयो ? किनभने अग्निपथ योजना लागू भएदेखि यसमा एउटा गतिरोध कायम छ नि ?

भर्ना प्रक्रिया एक त्रिपक्षीय (सम्झौता) मार्फत हुने गथ्र्यो। हामीले भर्खरैका कुराकानीहरूमा ती संवाद र छलफलहरूमा प्रवेश गरेका छैनौँ । जब सरकार र मिडियालाई आवश्यक लाग्छ अन्य कुनै पनि विषय जस्तै यसमा पनि हामी टेबलमा बस्नुपर्छ ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
एनपीएलका आठवटै क्लबका लागि फ्लडलाइटसहितका क्रिकेट रंगशाला बनाउने प्रधानमन्त्रीको घोषणा

एनपीएलका आठवटै क्लबका लागि फ्लडलाइटसहितका क्रिकेट रंगशाला बनाउने प्रधानमन्त्रीको घोषणा

सरकारका अनुसार क्रिकेट रंगशाला पूर्वाधार विकास मन्त्रालयमार्फत निर्माण गरिनेछ । धनगढीस्थित फाप्ला क्रिकेट रंगशालाको निर्माण प्रक्रिया अघि बढिसकेको छ भने आगामी तीन महिनाभित्र बाँकी सबै रंगशालाको निर्माण प्रक्रिया...
लुम्बिनीलाई १० विकेटले हराउँदै सुदूरपश्चिमले जित्यो पहिलोपटक एनपीएल उपाधि

लुम्बिनीलाई १० विकेटले हराउँदै सुदूरपश्चिमले जित्यो पहिलोपटक एनपीएल उपाधि

सुदूरपश्चिमको जितमा ओपनर जर्ज मुन्सेले विस्फोटक ब्याटिङ गरे । उनले ५४ बलमा अविजित १२५ रन बनाए । उनको इनिङ्समा ७ चौका र ११ छक्का समावेश थिए । अर्का...
परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

सो अवसरमा परराष्ट्रमन्त्री खनालले नेपाल भ्रमणमा रहेका जापानी उपमन्त्री फुजीलाई हार्दिक स्वागत गरे । उनले हालै रसुवा–भोटेकोशी क्षेत्रमा आएको बाढीपछि तत्काल राहत तथा सहयोग उपलब्ध गराएको र पुनःनिर्माणका...
एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

लुम्बिनीका लागि दिलिप नाथले सर्वाधिक ३९ रन बनाए । उनले ३० बलमा ३९ रन बनाउँदै अविजित रहे । त्यस्तै कप्तान रोहितकुमार पौडेलले ३१ बलमा ३० रन बनाए ।