समाज

गृहमन्त्रीमा सुधन गुरुङको कमब्याक, ३ बजे शपथको तयारी

सिधाकुरा

मंगलबार, जेठ २६, २०८३

गृहमन्त्रीमा सुधन गुरुङको कमब्याक, ३ बजे शपथको तयारी

काठमाडौँ । सुधन गुरुङ गृहमन्त्रीका रुपमा मन्त्रालय फर्कीने भएका छन् ।
प्रधानमन्त्री तथा मन्त्रीपरिषद्को कार्यालय स्रोतका अनुसार आजै तीन बजे शपथ ग्रहणको तयारी चलेको छ ।

शपथ ग्रहणका लागि राष्ट्रपतिको कार्यालयलाई पत्राचार गरिसकिएको प्रधानमन्त्रीको सचिवालय स्रोतले जनाएको छ।

Watch On

यसअघि विवादमा आएपछि गत वैशाख ९ गते राजीनामा दिएका थिए। सरकारले गठन गरेको छानबिन समितिको प्रतिवेदन सरकारले बुझेपछि आजै उनी फेरि गृह मन्त्रालय फर्किन लागेका हुन्।

प्रतिवेदनमा उनको कैफियत नदेखिएको बताइएको छ ।

उनको समपत्तिको सम्बन्धमा प्रश्न उठेपछि गुरुङले पदबाट राजीनमा दिएका थिए । त्यसपछि सरकारले उनको बारे छानबिन गर्न अध्ययन तथा छानविन समिति गठन गरेको थियो ।

उच्च अदालतका पूर्व न्यायाधीश अच्युत प्रसाद भण्डारीको अध्यक्षतामा बनेको समिति अध्ययन गरी सरकारलाई प्रतिवेदन बुझाइसकेका छ । उक्त प्रतिवेदनमा गुरुङको कैफियत नदेखिएपछि उनी फेरि गृहमा फर्कने भएका हुन् ।

उक्त प्रतिवेदनमा गैरकानुनी रुपमा सम्पत्ति आर्जन गरेको नदेखिएको उल्लेख छ ।

गुरुङ यसअघि २६ दिन गृहमन्त्री बनेका थिए । उनले ९ बैशाखमा राजीनामा दिएका थिए ।

प्रकाशित मिति: मंगलबार, जेठ २६, २०८३

प्रतिक्रिया दिनुहोस्