नेताका कुरा

गृहमन्त्रीमा फर्केलगत्तै विपद् पूर्वतयारीमा जुटे सुधन गुरुङ, अफ्ठेरोमा परेकालाई राहत बाँड्न 'हेभी लिफ्टिङ ड्रोन' किन्दै

सिधाकुरा

बिहीबार, जेठ २८, २०८३

गृहमन्त्रीमा फर्केलगत्तै विपद् पूर्वतयारीमा जुटे सुधन गुरुङ, अफ्ठेरोमा परेकालाई राहत बाँड्न 'हेभी लिफ्टिङ ड्रोन' किन्दै

काठमाडौँ । गृहमन्त्री सुधन गुरुङ पदमा फर्केलगत्तै विपद पूर्वतयारीमा जुटेका छन् ।

मनसुन भित्रिएसँगै देशभर बाढी पहिरो र डुबानको जोखिम बढेका बेला मन्त्री गुरुङले विपदको पूर्वसूचना, उद्धार, राहतलगायत पूर्वतयारी थालेको जानकारी संसदीय समितिलाई गराएका छन् ।

Watch On

'अब आउनेवाला विपद पूर्वतयारीमा लागेको छु । विगतमा नख्खुमा छतबाट मान्छे बगेको अवस्थामा धेरै गर्न सकिन्थ्यो जस्तो लाग्छ । अब त्यो अवस्था दोहोरिन दिँदैनौं,' उनले भने ।

विहीबार बसेको राज्य व्यवस्था तथा सुशासन समितिको बैठकमा गृहमन्त्री गुरुङले विपदबाट प्रभावित हुनसक्ने सर्वसाधारणलाई राहत वितरण गर्न हेभी लिफ्टिङ ड्रोनहरु खरिद गर्ने योजना बनाएको बताए ।

'प्रभावितहरुलाई शिघ्र राहत वितरण गर्न दुई सय केजीसम्म बोक्ने हेभी लिफ्टिङ ड्रोनहरु आएको छ । यो खरिद गर्न खोजेका छौं । यो खरिद गर्नलाई सार्वजनिक खरिद ऐनअनुसार ४५ दिन चाहिने रहेछ । ड्रोन आउँदा त मनसुन सकिसक्ने रहेछ । कस्तो ऐन बनाएको हो ? काम गर्न सहज हुनेगरी बनाइदिनुभएको भए हुन्थ्यो । कानुन संशोधन गर्न लाग्दा पनि मनसुन सकिएला । यसमा पनि सांसदहरुको सहयोग चाहिएला,' उनले भने ।

प्रकाशित मिति: बिहीबार, जेठ २८, २०८३

प्रतिक्रिया दिनुहोस्