समाज

‘प्रधानमन्त्रीज्यू त आउनुहुन्न, नेपाल सरकारको रक्षा मन्त्री को हुनुहुन्छ, सभामुखज्यूले बोलाइदिनुपर्यो’: हर्क साम्पाङ

सिधाकुरा

शुक्रबार, जेठ २९, २०८३

‘प्रधानमन्त्रीज्यू त आउनुहुन्न, नेपाल सरकारको रक्षा मन्त्री को हुनुहुन्छ, सभामुखज्यूले बोलाइदिनुपर्यो’: हर्क साम्पाङ

काठमाडौँ । श्रम संस्कृति पार्टीका अध्यक्ष तथा प्रतिनिधिसभा सदस्य हर्कराज राईले प्रधानमन्त्री सदनमा नआएको भन्दै रक्षामन्त्रीलाई बोलाइदिन माग गरेका छन् । ‘प्रधानमन्त्रीज्यू त आउनुहुन्न, नेपाल सरकारको रक्षा मन्त्री को हुनुहुन्छ? सभामुखज्यूले रुलिङ गरेर बोलाइदिनुपर्छ । उहाँलाई प्रश्न सोध्न चाहन्छु ।’ सासद राईले भने ।

सुस्ता क्षेत्रमा भारतीय सीमा सुरक्षा बल (एसएसबी)ले नेपाली भूभागमा आएर नेपालीहरुलाई हप्कीदप्की गरेको भन्दै उनले नेपाली सेनालाई सीमामा पठाउनुपर्ने धराणा राखे । उनले भने, ‘सुस्ता भन्ने ठाउँमा एसएसबी आएर नेपाली दाजुभाइलाई हप्किदप्की गरेको र स्थानीयले आफ्नो भूमिका लागि हित्था लड्दै भिड्दै गरेको भिडिओ सार्वजनिक भएका छन् । हाम्रो नेपाली सेना सिमानामा जानै नहुने के कसम खाएको रहेछ ? अवलोकन गर्न पनि पठाउनु नमिल्ने के करार गरेको रहेछ ? त्यो देखाइदिनुपर्यो ।’

Watch On

प्रधानमन्त्री वालेन्द्र शाहले सीमाबारे विवादित अभिव्यक्ति दिएपछि आफूहरूले ११ औँ दिनसम्म प्लेकार्ड देखाएर विरोध जनाउँदा पनि प्रधानमन्त्री आउने छाँटकाँट नदेखिएको भन्दै उनले रक्षामन्त्रीलाई बोलाइदिन माग गरे ।