जनप्रतिनिधिका कुरा

टेम्पो खसाल्नेबाटै भरपाई गराउन सांसद आशिका तामाङको माग

सिधाकुरा

सोमबार, असार १, २०८३

टेम्पो खसाल्नेबाटै भरपाई गराउन सांसद आशिका तामाङको माग

काठमाडौँ । राष्ट्रिय स्वतन्त्र पार्टीकी सांसद आशिका तामाङले वन अतिक्रमण हटाउने नाममा टेम्पो भिरबाट खसाल्नेबाटै भरपाई गराउन माग गरेकी छिन् ।

कैलालीमा भएको यो घटनामा प्रतिक्रिया दिँदै सांसद तामाङले टेम्पो खसाल्नेबाटै भरपाई गराउनुपर्ने बताएकी हुन् ।

Watch On

फेसबुकमा टेम्पो खसाल्दै गरेको तस्बिर राख्दै उनले भनेकी छिन्, 'यो टेम्पो जसले खसाल्न लगाएको हो उसैबाट नयाँ टेम्पोको भरपाई गराइनु पर्छ ।'

चुरे क्षेत्रको वन अतिक्रमण हटाउने नाममा वन कार्यालयको टोलीले गत शुक्रबार धनादेवी धामीको टेम्पो भिरबाट खसालिदिएको थियो । टेम्पो भिरबाट खसालेको भिडियो सार्वजनिक भएपछि मानवीयतासँग जोडेर सरकारको चर्को आलोचना भइरहेको छ । वनका कर्मचारीले भने भिरालो जमिन भएकाले टेम्पो हटाउँदा अनियन्त्रित भएर खसेको भन्दै बचाउ गरेपछि झन् विवाद चर्किएको छ ।

कैलाली प्रहरीले टेम्पो भिरबाट खसालिदिएको घटनामा अनुसन्धान अगाडि बढाउँदै डिभिजन वन कार्यालय धनगढी र सव डिभिजन कार्यालय अत्तरियाबाट १२ कर्मचारीलाई नियन्त्रणमा लिएको छ । कैलाली प्रहरी प्रवक्ता डिएसपी योगेन्द्र तिमिल्सिनाकाअनुसार वनरक्षकदेखि अधिकृत तहसम्मका कर्मचारीलाई नियन्त्रणमा लिएर सोधपुछ गरिएको छ ।

प्रकाशित मिति: सोमबार, असार १, २०८३

प्रतिक्रिया दिनुहोस्