नेभिगेशन
समाज

जब बुबाको देशविरुद्ध गोल भयो...

काठमाडौँ । मेक्सिकोको मोन्टेरे मैदानमा स्विडेनले पहिलो खेल ट्युनिसियाविरुद्ध खेलिरहेको थियो । नकआउट चरणमा स्थान बनाउन समूह ‘एफ’ को पहिलो खेल दुवैलाई उत्तिकै महत्वपूर्ण थियो । 

खेल सुरु भएको सातौं मिनेटमै मिडफिल्डर यासिन अयारीले गोल गरे । तर, गोलपछि भने २० वर्षीय खेलाडीले खुसीयाली नै मनाएनन् । हरेक खेलाडीको लागि फिफा विश्वकप खेल्ने सपना हुन्छ । झन विश्वकपमा गोल गर्नु त ठूलो उपलब्धि भयो । जो हरेकले यस्ता अवसर र उपलब्धि पाउन सक्दैनन् । 

Watch On

Facebook Tiktok Youtube Instagram Twitter

अयारी पहिलो पटक विश्वकप खेल्न स्विडेनको २६ सूचीमा परेका थिए । विश्वकपको डेब्युमै गोल गर्दा उनले सेलेब्रेसन नै गरेनन् । स्विडेनको ५–१ को जितमा अयारीले अन्तिम गोल पनि गरे । समग्रमा उनले विश्वकपको डेब्यु खेलमै दुई गोल गर्दै आफ्नो उपस्थिति र प्रभाव देखाए । 

Marvel
Extreme Energy

सेलेब्रेसन नगर्नुको कारण थियो बुबा अजोउज ट्युनिसियाका हुन् । अनि आमा अमिना भने मोरक्कोकी । बुबा अजोउज र आमा अमिना स्विडेन आए । आमा स्विडिसको व्यावसायिक फुटबल क्लब एइकेमा काम सुरु गरिन् । त्यहीँ अयारीको जन्म भएको थियो । अयारीका भाइ ताहा पनि स्विडेनमै जन्मिए र व्यावसायिक फुटबल खेलिरहेका छन् । 

बुबा ट्युनिसिया र आमा मोरक्कोकै भए पनि अयारीले एआइकेमै फुटबल खेल्न सुरु गरे । एकेडेमीमै बसे । एकेडेमीबाटै व्यावसायिक फुटबल सुरु गरे । 

सन् २००२ देखि सन् २०२३ सम्म एआइकेबाट ३७ खेल खेले । सानै उमेरमा प्रभावशाली प्रदर्शन गरेपछि उनलाई संसारकै सर्वश्रेष्ठ इंग्लिस प्रिमियर लिग खेल्ने अवसर आयो । ब्राइटन क्लबले उनलाई प्रस्ताव राख्यो । त्यसलाई अयारीले सहजै स्वीकार गरे । त्यसयता यही क्लबबाट खेलिरहेका छन् । ब्राइटनबाट मात्रै ६६ खेल खेले । 

विश्व फुटबलकै सर्वाेत्कृष्ट लिग खेलेपछि अयारीले पछि फर्केर हेर्नु परेको छैन । पछिल्लो दुई सिजन भने उनले इंग्ल्यान्डकै कोभन्ट्री सिटी र ब्ल्याकबर्न रिभर्सबाट लोनमा खेलिरहेका छन् ।

अयारीले उमेर समूहमा स्विडेनकै यू–१७, यू–१८ र यू–२१ हुँदै सन् २०२३ मा सिनियर टिमबाट डेब्यु गरेका हुन् । फिनल्यान्डविरुद्ध अन्तर्राष्ट्रिय डेब्यु पाए । दुई वर्षे यात्रामा २२ वर्षीय मिडफिल्डरले २० बढी खेल खेलिसकेका छन्। 

स्विडेनको प्रभावशाली जित
फिफा विश्वकप समूह ‘एफ’ का पहिलो खेलमा स्विडेनले ट्युनिसियाविरुद्ध प्रभावशाली जित निकाल्यो । अयारीले दुई गोल गरेपछि मेक्सिकोमा भएको खेलमा स्विडेन ५–१ ले सहज जित निकाल्न सफल भयो । 

स्विडेनले पहिलो हाफमा दुई तथा दोस्रो हाफमा तीन गोल गर्‍यो । 

स्विडेनको जितमा अयारीले दुई तथा एलेक्जान्डर इशाक, भिक्टोर ग्योकेरस र माटिअस स्भानबर्गले समान एक गोल गरेका हुन् । ट्युनिसियाको लागि ओमार रेकिकले एक गोल फर्काएका थिए । 

जितपछि समूहमा स्विडेन तीन अंकसहित शीर्ष स्थानमा रह्यो । पहिलो खेलमै २–२ को बराबरी खेलेका जापान र नेदरल्यान्ड्सको समान एक अंक छ । ट्युनिसिया भने बिना अंक पुछारमा छ । 

अब, अर्काे खेलमा स्विडेनले नेदरल्यान्ड्स तथा जापानले ट्युनिसियाको सामना गर्नेछन् । 
 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
एनपीएलका आठवटै क्लबका लागि फ्लडलाइटसहितका क्रिकेट रंगशाला बनाउने प्रधानमन्त्रीको घोषणा

एनपीएलका आठवटै क्लबका लागि फ्लडलाइटसहितका क्रिकेट रंगशाला बनाउने प्रधानमन्त्रीको घोषणा

सरकारका अनुसार क्रिकेट रंगशाला पूर्वाधार विकास मन्त्रालयमार्फत निर्माण गरिनेछ । धनगढीस्थित फाप्ला क्रिकेट रंगशालाको निर्माण प्रक्रिया अघि बढिसकेको छ भने आगामी तीन महिनाभित्र बाँकी सबै रंगशालाको निर्माण प्रक्रिया...
लुम्बिनीलाई १० विकेटले हराउँदै सुदूरपश्चिमले जित्यो पहिलोपटक एनपीएल उपाधि

लुम्बिनीलाई १० विकेटले हराउँदै सुदूरपश्चिमले जित्यो पहिलोपटक एनपीएल उपाधि

सुदूरपश्चिमको जितमा ओपनर जर्ज मुन्सेले विस्फोटक ब्याटिङ गरे । उनले ५४ बलमा अविजित १२५ रन बनाए । उनको इनिङ्समा ७ चौका र ११ छक्का समावेश थिए । अर्का...
परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

सो अवसरमा परराष्ट्रमन्त्री खनालले नेपाल भ्रमणमा रहेका जापानी उपमन्त्री फुजीलाई हार्दिक स्वागत गरे । उनले हालै रसुवा–भोटेकोशी क्षेत्रमा आएको बाढीपछि तत्काल राहत तथा सहयोग उपलब्ध गराएको र पुनःनिर्माणका...
एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

लुम्बिनीका लागि दिलिप नाथले सर्वाधिक ३९ रन बनाए । उनले ३० बलमा ३९ रन बनाउँदै अविजित रहे । त्यस्तै कप्तान रोहितकुमार पौडेलले ३१ बलमा ३० रन बनाए ।