समाज

'ढुङ्गाहरूको देश हो वा मान्छेको देश हो' अचम्म लागेको छ: हर्क साम्पाङ

सिधाकुरा

शुक्रबार, असार ५, २०८३

'ढुङ्गाहरूको देश हो वा मान्छेको देश हो' अचम्म लागेको छ: हर्क साम्पाङ

काठमाडौँ । श्रम संस्कृति पार्टीका सांसद हर्क साम्पाङले ढुङ्गाहरूको देश हो वा मान्छेको देश हो अचम्म लागेको बताएका छन्। शुक्रबारको संसद् बैठकको आकस्मिक समयमा बोल्ने क्रममा उनले सो कुरा बताएका हुन्।

सीमानाका विषयमा प्रधानमन्त्रीले बोलेको धारणा सच्याउन रोष्टमबाटै आफूले भनेको १६ दिन भएको स्मरण गर्दै सांसद साम्पाङले यसरी कसैले भनेको कुरा केही पनि नसुन्ने हो भने ढुङ्गाहरूको देश हो वा मान्छेको देश हो अचम्म लागेको बताएका थिए ।

Watch On

उनले भने, 'संसद्मा भनेको कुरा कसैले कसैको केही कुरा पनि नसुन्ने ढुङ्गाहरूको देश हो वा मान्छेको देश हो अचम्म लागेको छ । जिम्मेवार बन्नु पर्छ । जिम्मेवारीले मात्र मान्छेलाई मान्छे बनाउँछ। हामी मान्छे बन्नका लागि भात खाएर, टाई सुट लाएर राम्रो लुगा लगाएर हिँड्दैमा चिल्लो चाप्लो गाडी चढेर ठुला घरमा बस्दैमा हामी बन्दैनौँ । नैतिकता हुन जरुरी छ । जवाफ देहिता पनि जरुरी छ । प्रधानमन्त्रीले आफ्नो भनाइलाई सच्याउनु पर्छ।'

त्यस्तै मान्छे बन्न नैतिकता र जबाफदेहिता चाहिने बताउँदै भात खाएर, टाई सुट लाउँदैमा र चिल्लो गाडीमा चढ्दैमा कोही मान्छे नहुने, मान्छे बन्नका लागि नैतिकता र जिम्मेवारी हुनु पर्ने बताए ।

प्रकाशित मिति: शुक्रबार, असार ५, २०८३

प्रतिक्रिया दिनुहोस्