नेभिगेशन
समाज

रास्वपाको राजधानीमा के भइरहेको छ ?

काठमाडौँ । नेपालको पूर्व–पश्चिम लम्बाइलाई आधार मान्ने हो भने चितवन करिव करिव बीच भागमा छ । चितवन यस्तो जिल्ला हो, जहाँ सतहत्तरै जिल्लाका मानिसहरुको बसोबास छ भन्ने मानिन्छ । र, यही चितवन अहिले मुुलुकको राजनीतिको केन्द्रमा छ । 
मुलुकको राजनीतिको केन्द्रमा रहेको चितवनमा अहिले के भइरहेको छ भन्ने चासो सर्वत्र छ । यो चासो सिर्जना हुनुको कारण हो– राष्ट्रिय स्वतन्त्र पार्टी (रास्वपा) को प्रथम महाधिवेशन ।

रास्वपाले भन्ने गरेको छ– चितवन ‘रास्वपाको राजधानी’ हो । यही प्रसंगमा रास्वपा प्रवक्ता मनिष झाले भनेका छन्– ‘वीरगञ्जलाई आर्थिक राजधानी भनिन्छ, पोखरालाई पर्यटनको राजधानी भनिन्छ, जनकपुरधामलाई अध्यात्मको राजधानी भनिन्छ, काठमाडौँलाई संघीय राजधानी भनिन्छ । यसैगरी रास्वपाले चितवनलाई रास्वपाको राजधानी मानेको छ ।’

Watch On

Facebook Tiktok Youtube Instagram Twitter

रास्वपाको उद्गम भूमि हो– चितवन । रास्वपाप्रति चितवनवासीको अपार समर्थन छ । अघिल्लो चुनावमै २ सिट जिताएको चितवनले यसपालि ३ सिट नै रास्वपालाई जितायो । त्यो पनि भारी मतका साथ ।

Marvel
Extreme Energy

यतिमात्रै होइन, रास्वपा सभापति रवि लामिछानेलाई चितवनले असाध्यै माया गरेको छ । रवि राजनीतिमा नहुँदा पनि चितवनले उनलाई साथ दियो, रविले पार्टी खोलेपछि त चितवन रविका लागि चट्टान बनेर उभियो, नारायणी बनेर उर्लियो, रविको दुःखमा साथ दियो, खुसीमा रमायो ।

अहिले त्यही चितवनमा रास्वपाको प्रथम ऐतिहासिक महाधिवेशन हुँदैछ । देशभरका ‘घण्टीबाहक’हरु अहिले चितवनमा भेला भएका छन् । सम्भवतः चितवनले रवि र रास्वपाप्रति जुन माया देखाइरहेको छ, त्यसैकारण रवि र रास्वपाले आफ्नो पहिलो महाधिवेशनका लागि चितवन छानेको हुनुपर्छ ।

२०७९ असार ७ गते, काठमाडौँको सभागृहमा रविको नेतृत्वमा रास्वपा घोषणा गरिएको थियो । अहिलेसम्मको केन्द्रीय समिति, त्यतिबेलादेखिकै निरन्तरता हो । केही थपिए, फराकिलो हुँदै गयो, फरक यत्ति मात्रै हो । त्यही केन्द्रीय समितिको अन्तिम बैठक भरतपुरमा बस्यो– जहाँ रविले बितेका चार वर्षलाई भावुक बनेर सम्झिए ।

आज अपरान्ह गेस्टहाउस चौरमा उनै रविले पहिलो महाधिवेशनको उद्घाटन गर्नेछन् र त्यतिबेला उनलाई पार्टीको वरिष्ठ नेतासमेत रहेका प्रधानमन्त्री बालेन शाहले साथ दिनेछन् । जसरी विभिन्न नदीहरु मिलेर ‘नारायणी’ बन्यो, त्यसैगरी विभिन्न दल र समूह मिलेर अहिलेको रास्वपा बनेको हो । 

००००

आजदेखि तीन दिन चितवन रास्वपा राजधानी मात्रै बन्ने छैन, ‘संघीय राजधानी’ पनि बन्ने छ । रास्वपा महाधिवेशनमा सहभागी हुन प्रधानमन्त्री बालेन दिउँसो भरतपुर पुग्दैछन् । अधिकांश मन्त्रीहरु चितवन पुगिसके ।

प्रधानमन्त्रीदेखि मन्त्रीहरु सबै रास्वपा महाधिवेशन प्रतिनिधि छन् । रास्वपा विधानअनुसार सांसदहरु स्वतः महाधिवेशन प्रतिनिधि हुन्छन् । बालेनले तीन दिन चितवनबाटै मुलुक हाँक्ने छन् ।

अहिले मन्त्रिपरिषदमा रहेका अधिकांश सदस्य रास्वपाको आगामी केन्द्रीय समितिमा रहने अनुमान छ । केही मन्त्रीले आफ्नो उम्मेदवारी घोषणा गरिसके, केही घोषणा गर्ने तरखरमा छन् । केहीले घोषणा नगरे पनि भोलि दिउँसो उम्मेदवारी दिने छन् । 
००००
चितवनमा रास्वपाका नेता मात्रै छैनन्, हजारौं कार्यकर्ता पनि पुगेका छन् । रास्वपाका देशैभरका नेता कार्यकर्ता छन् अहिले चितवनमा ।

उद्घाटन समारोहमा अरु हजारौं समर्थकको सहभागिता रहने छ । अरु पार्टीका नेता कार्यकर्ताले पनि चासोका साथ हेरिरहेका छन्– देशकै ठूलो पार्टी रास्वपाको पहिलो महाधिवेशनले दिने सन्देशको प्रतीक्षा गरिरहेका छन् ।

त्यसैले चितवन अहिले चासोको केन्द्रमा छ । कांग्रेस सभापति गगनकुमार थापाले रास्वपा सभापति रवि लामिछानेलाई पत्र नै लेखेर शुभकामना दिएका छन्, महाधिवेशन सफलताको शुभकामना दिएका छन् ।

महाधिवेशन उद्घाटन समारोहमै पुगेर कांग्रेससहित अरु पार्टीका नेताहरुले पनि रास्वपालाई शुभकामना दिनेछन् ।

रास्वपाको हिजो बसेको केन्द्रीय समितिको बैठकले एउटा सन्देश दिइसकेको छ– रास्वपा आन्तरिक लोकतन्त्रमा विश्वास गर्ने पार्टी हो । आन्तरिक लोकतन्त्रलाई बलियो बनाउने गरी विधान संशोधन गरेको छ । अब विधानअनुसार नयाँ नेतृत्व चयन हुने छ र त्यो चयन प्रक्रियाले आन्तरिक लोकतन्त्रलाई अभ्यासमा उतार्ने छ ।

यही महाधिवेशनले पार्टी र पार्टीका नेताहरुलाई औपचारिक रुपमा वैधानिकता प्रदान गर्नेछ ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
एनपीएलका आठवटै क्लबका लागि फ्लडलाइटसहितका क्रिकेट रंगशाला बनाउने प्रधानमन्त्रीको घोषणा

एनपीएलका आठवटै क्लबका लागि फ्लडलाइटसहितका क्रिकेट रंगशाला बनाउने प्रधानमन्त्रीको घोषणा

सरकारका अनुसार क्रिकेट रंगशाला पूर्वाधार विकास मन्त्रालयमार्फत निर्माण गरिनेछ । धनगढीस्थित फाप्ला क्रिकेट रंगशालाको निर्माण प्रक्रिया अघि बढिसकेको छ भने आगामी तीन महिनाभित्र बाँकी सबै रंगशालाको निर्माण प्रक्रिया...
लुम्बिनीलाई १० विकेटले हराउँदै सुदूरपश्चिमले जित्यो पहिलोपटक एनपीएल उपाधि

लुम्बिनीलाई १० विकेटले हराउँदै सुदूरपश्चिमले जित्यो पहिलोपटक एनपीएल उपाधि

सुदूरपश्चिमको जितमा ओपनर जर्ज मुन्सेले विस्फोटक ब्याटिङ गरे । उनले ५४ बलमा अविजित १२५ रन बनाए । उनको इनिङ्समा ७ चौका र ११ छक्का समावेश थिए । अर्का...
परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

सो अवसरमा परराष्ट्रमन्त्री खनालले नेपाल भ्रमणमा रहेका जापानी उपमन्त्री फुजीलाई हार्दिक स्वागत गरे । उनले हालै रसुवा–भोटेकोशी क्षेत्रमा आएको बाढीपछि तत्काल राहत तथा सहयोग उपलब्ध गराएको र पुनःनिर्माणका...
एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

लुम्बिनीका लागि दिलिप नाथले सर्वाधिक ३९ रन बनाए । उनले ३० बलमा ३९ रन बनाउँदै अविजित रहे । त्यस्तै कप्तान रोहितकुमार पौडेलले ३१ बलमा ३० रन बनाए ।