समाज

ब्रिटिश प्रधानमन्त्री किअर स्टार्मरद्वारा पदबाट राजीनामा दिने घोषणा

सिधाकुरा

सोमबार, असार ८, २०८३

ब्रिटिश प्रधानमन्त्री किअर स्टार्मरद्वारा पदबाट राजीनामा दिने घोषणा

ब्रिटिश प्रधानमन्त्री किअर स्टार्मरले पदबाट राजीनामा दिने घोषणा गरेका छन्। उनले डाउनिङ स्ट्रीटबाहिरबाट बोल्दै पदत्याग गर्ने आफ्नो योजना घोषणा गरेका हुन्।

उनले पदमा हुँदा आफूले गरेका सबै निर्णय ‘आफूले माया गर्ने देशलाई अगाडि राखेर’ गरेको बताए। गत साता उपनिर्वाचनबाट सांसद चुनिएका एन्डी बर्नम स्टार्मरको उत्तराधिकारी बन्ने ठानिएको छ।

Watch On

तर नयाँ प्रधानमन्त्री नियुक्त हुन सेप्टेम्बरको उत्तरार्धसम्म कुर्नुपर्ने ठानिएको छ। त्यति बेला लेबर पार्टीको अधिवेशन आयोजना हुन लागेको छ। दुई वर्षअघि पार्टीभित्र भएको निर्वाचनबाट स्टार्मर प्रधानमन्त्री पदका लागि चुनिएका थिए।

राजीनामा घोषणा गर्नुअघि स्टार्मरले आफू नेतृत्वमा आउँदा लेबर पार्टी ‘राजनीतिक,आर्थिक र नैतिक रूपमा टाट पल्टिएको’ अवस्थामा भएको बताए।त्यस्तै सोमवार एन्डी बर्नम सांसद पदमा बहाल हुन वेस्टमिन्स्टर जाने छन्।

स्टार्मरले आफूलाई ‘पटकपटक’ पार्टी ‘सकियो’ भनिएको तर आफूले ‘ती मानिसहरूलाई गलत साबित गरिदिएको’ बताए।

उनले ‘यहुदीविरोधी भावनाको विषलाई जरैदेखि उखेलेर’ पार्टीलाई परिवर्तन गरेको दाबी गरे। ‘अर्थतन्त्र, रक्षा र राष्ट्रिय सुरक्षामा विश्वास पुनः स्थापित गर्दै,’ उनले भने।

प्रकाशित मिति: सोमबार, असार ८, २०८३

प्रतिक्रिया दिनुहोस्