बालेनले किन दिएनन् केन्द्रीय सदस्यमा उम्मेदवारी ?

काठमाडौँ । चितवनमा जारी रास्वपा महाधिवेशनमा नयाँ नेतृत्व चयनका लागि निर्वाचन प्रक्रिया जारी छ । सभापतिमा रवि लामिछाने सर्वसम्मत भइसकेका छन् । ९९ केन्द्रीय सदस्यका लागि ३५५ जनाको उम्मेदवारी परेको छ । तर, उम्मेदवारको सूचीमा वरिष्ठ नेता एवम् प्रधानमन्त्री बालेन शाहको नाम छैन ।

बालेनले किन कुनै पनि उम्मेदवारी दिएनन् भनेर चर्चा हुन थालेको छ ।

Watch On

प्रधानमन्त्री बालेनका लागि केन्द्रीय समितिमा वरिष्ठ नेता पद सुरक्षित छ । सहमतिअनुसार नै बालेन छिट्टै वरिष्ठ नेता मनोनीत हुने छन्, सभापति रवि लामिछानेले बालेनलाई वरिष्ठ नेता बनाउने छन् ।

तर, त्यसका लागि पनि बालेन केन्द्रीय सदस्य भने हुनुपर्छ ।

सहमतिमै तय गरिएको प्रक्रिया अनुसार, महाधिवेशनबाट निर्वाचन प्रक्रिया सकिएपछि सभापति लामिछानेले बालेनलाई सबैभन्दा पहिला केन्द्रीय सदस्य र त्यसपछि वरिष्ठ नेता मनोनीत गर्नेछन् ।

१५८ (७ प्रदेश सभापतिसहित) केन्द्रीय समितिमा १९ पदाधिकारी हुन्छन् । सभापति र ९९ केन्द्रीय सदस्य निर्वाचित हुन्छन् । निर्वाचित केन्द्रीय सदस्यहरु मध्येबाटै २ उपसभापति, १ महामन्त्री र ३ सहमहामन्त्री छान्न पुनः दोस्रो चरणको निर्वाचन हुने छ ।

एक उपसभापति, एक महामन्त्री, ३ सहमहामन्त्री, कोषाध्यक्ष, सहकोषाध्यक्ष, प्रवक्ता तथा सहप्रवक्ता भने केन्द्रीय सदस्यमध्येबाटै सभापतिले मनोनीत गर्ने व्यवस्था छ ।