समाज

राजेशमान सिंह सर्वोच्चबाट पनि निराश

सिधाकुरा

बुधबार, असार १०, २०८३

काठमाडौँ । सर्वोच्च अदालतले वीरगञ्जका निलम्बित मेयर राजेशमान सिंहका पक्षमा अन्तरिम आदेश दिन अस्वीकार गरेको छ ।

नागरिकता किर्ते तथा भ्रष्टाचार प्रकरणमा मुद्दा खेपिरहेका सिंहले सर्वोच्च अदालतबाट राहत पाउने अपेक्षा गरेका थिए । तर सर्वोच्चले बुधबार अन्तरिम आदेश जारी गर्न अस्वीकार गर्यो ।

Watch On

अख्तियार दुरुपयोग अनुसन्धान आयोगले गत जेठ २५ गते सिंहसहित ६ जनाविरुद्ध विशेष अदालतमा भ्रष्टाचार मुद्दा दर्ता गरेपछि उनी स्वतः निलम्बनमा परेका थिए ।

निलम्बनपछि सिंहले सर्वोच्च अदालतमा रिट दायर गर्दै आफूविरुद्ध अन्यायपूर्ण ढंगले मुद्दा दायर गरिएको दाबी गरेका थिए । उनले पुनः नगरप्रमुखको हैसियतमा काम गर्न पाउने व्यवस्था मिलाउन अन्तरिम आदेशको माग गरेका थिए ।

तर, बुधबार न्यायाधीश कुमार रेग्मीको एकल इजलासले तत्काल अन्तरिम आदेश दिन आवश्यक आधार नदेखिएको ठहर गर्दै विपक्षीलाई लिखित जवाफसहित छलफलमा उपस्थित हुन आदेश दिएको छ। अदालतले असार १५ गते दुवै पक्षलाई छलफलका लागि बोलाएको छ ।

सर्वोच्चको यो निर्णयसँगै सिंह तत्काल पदमा फर्किने सम्भावना टरेको छ । विशेष अदालतमा आफ्नो प्रतिरक्षा गर्नुअघि नै सर्वोच्च अदालतबाट राहत खोज्ने उनको रणनीतिमा धक्का लागेको छ ।

प्रकाशित मिति: बुधबार, असार १०, २०८३

प्रतिक्रिया दिनुहोस्