काठमाडौँको सबैभन्दा बढी, विराटनगरको कम

काठमाडौँ । मुलुकका ६ वटै महानगरपालिकाले आगामी आर्थिक वर्ष २०८३/८४ का लागि बजेट सार्वजनिक गरेका छन् । सबैभन्दा बढी काठमाडौँ महानगरको छ भने सबैभन्दा कम विराटनगरको छ ।

काठमाडौँ महानगरले आगामी वर्षका लागि २५ अर्ब ८८ करोडको बजेट ल्याएको छ । चालु वर्षमा यसको बजेट २५ अर्ब ११ करोड थियो। काठमाडौँ महानगरले कुल बजेटको ६१ प्रतिशत पूर्वाधार क्षेत्रमा छुट्याइएको छ ।

Watch On

ललितपुर महानगरपालिकाले ७ अर्ब ४८ करोड ८७ लाखको बजेट ल्याएको छ । चालु आर्थिक वर्षको बजेटको तुलनामा ललितपुरले आगामी आर्थिक वर्षको बजेटमा सामान्य वृद्धि गरेको छ । चालु वर्षमा ललितपुरको बजेट ७ अर्ब ४७ करोड ४१ लाख थियो ।

पर्यटकीय राजधानी भनेर चिनिने पोखरा महानगरपालिकाले ७ अर्ब १५ करोड २५ लाखको बजेट ल्याएको छ । चालु वर्षमा ८ अर्ब ३५ करोड १२ लाखको बजेट ल्याएकोमा यसपालि पोखराले करिब १ अर्ब २० करोडले बजेट घटाएको छ ।

भरतपुर महानगरपालिकाले ५ अर्ब ५१ करोड ७० लाखको बजेट ल्याएको छ । चालु वर्षमा ५ अर्ब २२ करोड रुपैयाँको बजेट रहेकोमा भरतपुरले आगामी वर्षका लागि करिब ३० करोडले बजेट बढाएको छ ।

भरतपुरले गौतमबुद्ध क्रिकेट रंगशालालाई प्राथमिकतामा राखेको छ ।

वीरगन्ज महानगरपालिकाले ४ अर्ब ४२ करोड ३४ लाख रुपैयाँको बजेट ल्याइएको छ । चालु वर्षमा बजेट ३ अर्ब २२ करोड ४८ लाख रहेकोमा आगामी आर्थिक आवका लागि करिब १ अर्ब २० करोडले बढेको छ ।

विराटनगर महानगरपालिकाले ३ अर्ब ५६ करोड ४७ लाख रुपैयाँको बजेट ल्याएको गरेको छ । विराटनगरको बजेट चालु आवको बजेटको तुलनामा करिव १२ करोडले घटेको छ ।

पालिकाहरुले हरेक वर्ष असार १० मा आगामी आर्थिक वर्षका लागि बजेट ल्याउनुपर्ने संवैधानिक व्यवस्था छ । आज देशका अधिकांश पालिकाले बजेट सार्वजनिक गरेका छन् ।