पदाधिकारी छान्न राति सवा ९ बजेदेखि मतदान

काठमाडौँ । राष्ट्रिय स्वतन्त्र पार्टी (रास्वपा)ले पहिलो महाधिवेशन अन्तर्गत पदाधिकारी चयनका लागि राति सवा ९ बजेदेखि मतदान गराउने भएको छ । त्यसका लागि साँझ साढे ६ बजेदेखि प्रक्रिया सुरु हुने छ ।

निर्वाचन आयोगले जारी गरेको पछिल्लो निर्वाचन कार्यतालिका अुनसार साँझ साढे ६ बजेदेखि ७ बजेसम्म पदाधिकारीमा उम्मेदवारी दर्ता हुने छ ।

Watch On

साँझ साढे ७ बजे उम्मेदवारको प्रारम्भिक नामावली प्रकाशन गरिने छ भने दाबी विरोध तथा उजुरीका लागि राति सवा ८ बजेसम्मको समय तोकिएको छ ।

राति पौने ९ बजे उम्मेदवारको अन्तिम नामावली प्रकाशन गर्ने कार्यसूची छ ।

त्यसपछि राति सवा ९ बजेदेखि सवा १२ बजेसम्म तीन घण्टा मतदान गरी मतदान सकिएलगत्तै मतगणना गरिने र राति साढे १ बजे पदाधिकारीको मत परिणाम सार्वजनिक गरिने छ ।

रास्वपाले ६ पदमा निर्वाचन गर्न लागेको हो ।

विधानअनुसार दुई उपसभापति (एक खुला र एक महिला), एक महामन्त्री र तीन सहमहामन्त्री (दुई खुला र एक महिला) पदमा निर्वाचन हुने छ ।

पहिलो चरणको निर्वाचनबाट केन्द्रीय सदस्यमा निर्वाचित भएकाले मात्रै पदाधिकारीमा उम्मेदवारी दिन पाउने छन् ।

दोस्रो चरणको निर्वाचनको कार्यतालिका सार्वजनिक हुँदासम्म पनि पहिलो चरणको निर्वाचनको परिणाम भने सार्वजनिक भएको छ । यसअघि आज बिहान ९९ केन्द्रीय सदस्य पदका लागि मतदान भएको थियो । 

यस्तो छ- दोस्रो चरणको निर्वाचन कार्यतालिका