सरकारको हस्तक्षेपका कारण एन्फा कारबाहीमा पर्‍याे: केपी ओली

काठमाडौँ । नेकपा एमालेका अध्यक्ष केपी शर्मा ओलीले सरकारको हस्तक्षेपका कारण एन्फा कारवाहीमा परेको बताएका छन् । अध्यक्ष ओलीले विश्वकप फुटबलमा नेपालभन्दा साना र भर्खरै विकासशील चरणमा प्रवेश गरेका देशहरुले उत्कृष्ट प्रदर्शन गर्दा नेपालमा भने सरकारको हस्तक्षेपका यस्तो अवस्था आएको बताएका हुन् । 

‘हाम्रा भन्दा साना देशहरु कमालको, बबालको प्रदर्शन गरिराखेका छन् । हाम्रो एन्फा अन्तराष्ट्रिय खेलकुदमा लागि प्रतिबन्धित भएको छ ।’ उनले भने, ‘प्रतिबनधको कारण के भने नेपाल फुटबल महासंघमाथि बाह्य हस्तक्षेप भयो । भन्या के रु कसले गर्यो हो त्यो हस्तक्षेप रु सबै चिज आफ्नै लागि, आफ्ना भलाइका लागि, आफ्नै इसारामा, आफ्नै मान्छेबाट । भन्या के रु त्यही भएर प्रतिबन्ध लाग्यो, त्यही भएर हस्तक्षेप भयो । र खेलाडी खान नपाएर कमजोर हुने, खेलाडीले उपयुक्त शारीरीक विकास गर्न नपाउने जस्तो खालको स्थिति हुनु हुँदैन । यतापट्टि सरकारले पनि ध्यान दिनुपर्ने हो । सरकार त हस्तक्षेप गरेर एन्फालाई अन्तराष्ट्रिय खेलमा प्रतिबन्ध लाग्ने स्थितिमा पुगेको छ ।’ 

Watch On

खेलकुद महासंघले खेल मात्र खेल्ने नभई, देशको अवस्था बुझ्ने र देशप्रति जिम्मेवार नागरिकका रूपमा खेलाडीहरू उत्पादन गर्नुपर्ने उनको भनाइ छ ।

त्यस्तै उनले भाद्र २३ र २४ गते भएको तोडफोड, हिंसा, हत्या र लुटपाटका घटनालाई वैधानिकता दिने काम भएको बताएका छन् । 

मंगलबार काठमाडौंमा नेपाल खेलकुद महासंघको राष्ट्रिय भेलालाई सम्बोधन गर्दै अध्यक्ष ओलीले विभिन्न शक्तिहरूले संवैधानिक रूपमा नसकेपछि असंवैधानिक तवरले तोडफोड, हिंसा, हत्या र लुटपाट जस्ता उपद्र मचाएर सरकार ढाल्ने बाटो रोजेको र त्यसलाई अहिले वैधानिकता दिने काम भएको बताएका हुन् । 

उनले भूकम्प, कोभिड–१९ महामारीका कारण ध्वस्त भएको अर्थतन्त्रलाई माथि उठाउनुका साथै शिक्षा, स्वास्थ्य र खेलकुद क्षेत्रलाई अगाडि बढाउने प्रयत्न गरेको तर कसैलाई त्यो कुरा सह्य नभएको तर्क गरे । उहाले सबै जनताले न्याय पाउने र भयमुक्त, शान्तिपूर्ण नेपाल निर्माणको प्रणालीबाट आफूहरू पुनः अगाडि बढ्ने उल्लेख गरे ।