नेताका कुरा

नेकपासँग तत्काल एकता हुँदैन : एमाले अध्यक्ष ओली

सिधाकुरा

शुक्रबार, असार १९, २०८३

नेकपासँग तत्काल एकता हुँदैन : एमाले अध्यक्ष ओली

काठमाडौँ । नेकपा एमालेका अध्यक्ष केपी शर्मा ओलीले नेपाली कम्युनिस्ट पार्टी (नेकपा)सँग तत्काल एकताको सम्भावना नरहेको बताएका छन् ।

नेकपासँग एकता हुनै लागेको जसरी बाहिर चर्चा भइरहेको भन्दै ओलीले बिहीबार जनसंगठनहरूसँगको छलफलमा त्यस्तो सम्भावना नरहेको बताएका हुन् ।

Watch On

यद्यपि वामपन्थी शक्तिहरूबीच सहकार्यको सम्भावना रहेको उनको भनाइ थियो । 'बाहिर दुई पार्टी एमाले र नेकपा मिल्नै लागे जसरी चर्चा भइराखेको छ । तर अहिले नेकपासँगको एकताको कुनै सम्भावना छैन,' ओलीको भनाइ उद्धृत गर्दै एक नेताले भने, 'तर, वामपन्थी शक्तिहरुबीच सहकार्यको सम्भावना छ ।'

ओलीले पार्टी पुनर्गठनका विषयमा धारणा प्रभावित गर्नेगरी पर्चा बाँडिरहेको भन्दै आपत्ति जनाएका थिए । एमाले बुद्धिजीवी परिषद्का अध्यक्ष गजेन्द्र थपलियालगायतले पार्टी पुनर्गठनबारे अवधारणा पत्र भन्दै प्रदेशस्तरीय र जनसंगठनका भेलामा पर्चा वितरण गरेका थिए । उनीहरुले अहिले पनि त्यो कामलाई निरन्तरता दिइरहेका छन् । ओलीले यस्तो गतिविधि गर्नु पार्टीको नीति विपरीत रहेको भन्दै कारवाहीको विषय बनाइने बताएका हुन् ।

अध्यक्ष ओलीले पार्टी र नेतृत्वको विरुद्ध सामाजिक सञ्जाल र सार्वजनिक ठाउँमा जथाभावी नलेख्न निर्देशन दिँदै लेखे कारवाही गर्ने चेतावनी पनि दिएका थिए ।

प्रकाशित मिति: शुक्रबार, असार १९, २०८३

प्रतिक्रिया दिनुहोस्