एमाले रुपान्तरण अभियानले भरायो गुगल फर्मः ८७.६ प्रतिशत नेतृत्व परिवर्तनको पक्षमा

काठमाडौँ । नेकपा एमाले रूपान्तरण र पुनरसंरचनाको लागि पुनर्जागरण अभियानले पार्टीको अवस्था बारे गुगल सर्भेक्षण गरेको छ ।

एमाले बुद्धिजीवी परिषद् अध्यक्ष गजेन्द्र थपलिया लगायतले नेतृत्व गरेको अभियानले विभिन्न १८ प्रश्नावली सहित गुगल फर्म मार्फत सर्भेक्षण गरेको हो । 

Watch On

उक्त फर्मबाट प्राप्त सुझावका आधारमा प्रतिवेदन तयार पारी बिहीबार एमाले महासचिव शंकर पोखरललाई बुझाएको छ ।

मत सर्वेक्षणमा १८ देखि ६० वर्ष उमेर समूहका पार्टी समर्थक, शुभेच्छुक र अन्य राजनीतिक दलका मानिसहरुबाट पनि सुझाव लिइएको उनको दाबी छ । 

उनले नेकपा एमाले हालकै अवस्थामा अघि बढ्न सक्छ कि सक्दैन, विद्यमान पार्टी नेतृत्वको व्यवहार तथा आचरण बारे तपाईको धारणा के छ ?, पार्टी नेतृत्वको कार्यशैली बारे तपाईको भनाइ के छ ?, पार्टीको नीति कस्तो लाग्छ लगायतका १८ वटा प्रश्नावली राखेर गुगल सर्भेक्षण गरिएको बताए । 

परिषद्ल हरेक प्रश्नमा आएका रायलाई प्रतिशतमा विभाजन गरेको थियो । 

जसमा नेकपा एमाले हालकै अवस्थामा अघि बढ्न सक्छ कि सक्दैन भन्ने प्रश्नमा जवाफ दिएका मध्ये ९१.४ प्रतिशतले एमाले रुपान्तरण हुनुपर्छ भन्ने जवाफ दिएका थिए । 

यस्तै पार्टी नेतृत्वको आचरणबारेको प्रश्नमा ९५.४ प्रतिशतले पार्टी नेतृत्व सुध्रिनु पर्छ भन्ने सुझाव दिएका थिए । 

यस्तै पार्टी नेतृत्वको कार्यशैली बारे तपाईका धारण के छ भन्ने प्रश्नमा जवाफ दिएका मध्ये ९४.९ले सुध्रिनु पर्छ भन्ने राय दिएका छन् । 

विद्यमान पार्टी नेतृत्व बारे तपाई धारणा के छ भन्ने प्रश्नमा ८७.६ प्रतिशतले नेतृत्व परिवर्तन हुनुपर्छ भन्ने सुझाव दिएका छन् ।