नेभिगेशन
समाज
त्रिपुरेश्वर घटना

आत्मदाह प्रयासपछि गणेशले दाजुलाई भनेका दुई शब्द

काठमाडौँ । बिहीबार दिउँसो १ः४५ बजे । त्रिपुरेश्वरस्थित राहदानी विभागअगाडि एक युवकले आत्मदाहको प्रयास गरे । प्रत्यक्षदर्शीका अनुसार उनी पठाओ चालक रहेको र कामको सिलसिलामा राहदानी विभागअगाडि पुगेका थिए । उनको बाइकमा काठमाडौँ महानरपालिकाको नगर प्रहरीले ह्विल लक लगाइदिएको थियो ।

अनधिकृत ठाउँमा पार्किङ गरे महानगर प्रहरीले त्यसरी ह्विल लक लगाउँछ ।  उ उनले बागमती प्रदेश ०२-०६४ प ३२५० नम्बरकाे बाइक चलाउँथे । दिउँसाे उनले विभागकाे तीन नम्बर गेटअघि निर्माणाधीन टहराे अगाडि पार्किङ गरेका थिए ।   आत्मदाह प्रयास गरेका युवक मुगु सोरु गाउँपालिकाका २६ वर्षीय गणेश नेपाली रहेको खुलेको छ । उनले अचानक किन आफ्नै शरिरमा आगो लगाए होलान् भनेर हामीले अहिले गणेशसँग अस्पतालमा रहेका उनका दाजु मदन नेपालीलाई सोध्यौँ । 

Watch On

Facebook Tiktok Youtube Instagram Twitter

गणेशको अहिले वीर अस्पतालको बर्न कक्षमा उपचार भइहेको छ । दाजु मदनका अनुसार घाइते गणेश बोल्न सक्ने अवस्थामा छैनन् । आत्मदाहको प्रयासपछि उनलाई स्थानीयको सहयोगमा प्रहरीले वीर अस्पतालको पुर्‍याए पनि त्यहाँ पुर्‍याउँदा उनको अवस्था गम्भीर भइसकेको थियो । 

Marvel
Extreme Energy

दाजु मदनलाई चिकित्सकले ८५ प्रतिशत जलन भएको बताएका छन् ।यद्यपि चिकित्सकलाई उदृत गर्दै प्रहरीले भने शरिरको ६० प्रतिशत भागमा जलन भएको बताएको छ ।  भाइलाई घाइते अवस्था देखेका मदनले सिधाकुरासँगको कुराकानीमा आफूले घटनाबारे सोध्दा भाइले दुई शब्द मात्रै भन्न सकेको बताए । 
उनले भने,­‘भाइले जलिसकेपछि मलाई दुई शब्द मात्रै भन्यो, मेरो बाइकमा महानगरले लक लगाइदिएछ ।’ 

मदनका अनुसार गणेश २ वर्षदेखि पठाओ(राइड सेयरिङ) चलाएर परिवारको गुजारा चलाउँदै आएका थिए । उनी श्रीमती र एक छोरीसहित भक्तपुरको कमलविनायकमा बस्थे । बिहानैदेखि पठाओ चलाउँथे । 
दाजुका अनुसार गणेश दुइदिन अघि श्रीमती र छोरीलाई लिएर उनीकहाँ पुगेका थिए । बिहीबार पनि उनी पठाओ चलाउन भन्दै बिहानै कोठाबाट निस्किएका थिए । दिउँसो प्रहरीले फोन गरेर उनलाई भाइले आत्मदाह प्रयास गरेको जानकारी दिएपछि मात्रै आफूले घटनाबारे थाहा पाएको बताए । 

मदनका अनुसार बुवाआमा, भाउजु गाउँमै रहेका छन् । अहिले गणेशको उपचार जारी रहेको र अवस्था यसै भन्न नसकिने मदनले बताए । 
मदनका अनुसार गणेशको स्वास्थ्य अवस्थामा यसअघि सामान्य नै थियो । 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
पहिलो संस्करणमै एपीएफलाई धरान महिला गोल्डकपको उपाधि

पहिलो संस्करणमै एपीएफलाई धरान महिला गोल्डकपको उपाधि

विभागीय टोली सशस्त्र प्रहरी बल (एपीएफ) फुटबल क्लबले प्रथम धरान अन्तर्राष्ट्रिय आमन्त्रण महिला गोल्डकप फुटबल प्रतियोगिताको उपाधि जितेको छ।
अपराधमा संलग्न ३५ जनाको प्रोफाइल तयार

अपराधमा संलग्न ३५ जनाको प्रोफाइल तयार

पर्सा प्रहरीले आपराधिक पृष्ठभूमि भएका ३५ जनाको प्रोफाइल तयार गरेको छ।
अमेरिकी कृषि मन्त्रालयको भुक्तानी प्रणालीमा ह्याकरको पहुँच

अमेरिकी कृषि मन्त्रालयको भुक्तानी प्रणालीमा ह्याकरको पहुँच

अमेरिकाको कृषि मन्त्रालय (यूएसडीए) को किसानलाई भुक्तानी गर्ने प्रणालीमा ह्याकरहरूले पहुँच बनाएका छन्।
चिसो बढेपछि सगरमाथा क्षेत्रबाट फर्किने पर्यटक दोब्बरभन्दा बढी

चिसो बढेपछि सगरमाथा क्षेत्रबाट फर्किने पर्यटक दोब्बरभन्दा बढी

हिउँदको चिसो बढ्दै गएपछि सगरमाथा क्षेत्रबाट बाहिरिने पर्यटकको सङ्ख्या बढेको छ। पछिल्लो एक सातामा खुम्बु क्षेत्रमा प्रवेश गर्नेभन्दा बाहिरिने पर्यटकको सङ्ख्या दोब्बरभन्दा बढी देखिएको छ।