यो वर्ष डेढ सय बढी कानूनहरु ल्याउन सोविताले थालिन् काम, गृहकार्यमा जुटे सबै मन्त्रालय

काठमाडौँ । चालु आर्थिक वर्षलाई कानून सुधार र निर्माण वर्ष (ल रिफर्म इयर) घोषणा गरेको कानून मन्त्रालयले लक्ष्य पूरा गर्नका लागि आवश्यक तयारीका विषयमा सबै मन्त्रालयसँग छलफल गरेको छ ।

कानुन, न्याय तथा संसदीय मामिला मन्त्री सोविता गौतमले सबै मन्त्रालयका कानून शाखा/महाशाखाबीच छलफल गरेकी हुन् । प्रत्येक महिनाको पहिलो सोमबार यो बैठक नियमित हुने मन्त्रालयले जनाएको छ ।

Watch On

'कानून निर्माण वर्ष सफल बनाउन तथा सङ्‍घीय संसद्लाई आवश्यक विधायिकी कार्य उपलब्ध गराउने उद्देश्यले निर्धारण भएका १६६ विधेयकको लक्ष्य पूरा गर्नका लागि आजबाट छलफल थालेका हौं, यो छलफल प्रत्येक महिनाको पहिलो सोमबार हुनेछ,' मन्त्री गौतमले भनिन् ।

आगामी आर्थिक वर्षमा निर्माण गरिने १६६ विधेयकहरूको सूची यसअघि नै कानून मन्त्रालयले संघीय संसद्‍मा बुझाइसकेको छ ।  विकासको लागि सहज वातावरण निर्माण यो वर्ष पुरै कानून सुधारमा लाग्ने मन्त्रालयले बताएको छ ।

कानून सुधार तथा कानुन निर्माण वर्षका लागि मन्त्रालयले ९ बुँदे कार्ययोजना तयारसमेत तयार पारिसकेको छ ।

सरकारले संसद्लाई बिजनेसको अभाव हुन नदिने प्रतिबद्धता जनाएको छ । 

मन्त्री गौतमले संविधान कार्यान्वयन गर्न बनाउनुपर्ने थुप्रै नयाँ कानुनहरु निर्माण गर्न अग्रसरता लिएकफ हुन् । संविधान बनाएका दलहरुले अधुरै छोडेको कानुन निर्माणको कामलाई सम्पन्न गर्ने लक्ष्य लिएकी मन्त्री गौतमले यो वर्षलाई कानुन वर्ष नै घोषणा गरेकी अघि बढेकी छिन् ।