सिंहदरबारभित्रको अति सुस्त इन्टरनेट सेवा सुधार्न कस्सिए सांसद श्रेष्ठ

काठमाडौँ । राष्ट्रिय स्वतन्त्र पार्टीका सांसद एवं संसदीय सुनुवाइ समितिका सभापति बोधनारायण श्रेष्ठले देशको प्रमुख प्रशासनिक केन्द्र सिंहदरबारभित्रको इन्टरनेट सेवा सुधार्न पहलकदमी लिएका छन् । 

उनले आफ्नै कार्यकक्षमा सिंहदरबारस्थित आईटी टोली तथा सम्बन्धित निकायका प्रमुखहरूलाई बोलाएर कमजोर इन्टर सेवाबारे ध्यानाकर्षण गराएका छन् । काम गर्न नसक्नेलाई कारवाही गरि सेवालाई चुस्त बनाउन सक्ने दक्ष जनशक्ति परिचालन गर्नुपर्ने उनको भनाइ थियो । 

Watch On

उनले नियामक निकायलाई ९ बुँदे निर्देशन समेत दिएका छन् ।

निर्देशनमा सिंहदरबारभित्रको इन्टरनेट सेवाको गुणस्तर तत्काल सुधार गर्नुपर्ने भनेका छन् । 

यसैगरी सूचना प्रविधि प्रणाली तथा प्रशासनिक व्यवस्थालाई अझ सुरक्षित, व्यवस्थित र प्रभावकारी बनाउन आवश्यक सुधारका काम यथाशीघ्र अघि बढाउन निर्देशन दिएका छन् । 

९ बुँदे निर्देशन :

* सरकारी कागजातको आदानप्रदान अबदेखि whats app व्हाट्सएपमार्फत नभई अनिवार्य रूपमा अफिसियल इमेलमार्फत मात्र गर्नुपर्ने।
* प्रत्येक सदस्यका लागि आधिकारिक (Official) इमेल सिर्जना गर्नुपर्ने।
* सिंहदरबारभित्रको इन्टरनेट सेवाको गुणस्तर तत्काल सुधार गर्नुपर्ने ।
* हालको इन्टरनेट सेवा अत्यन्त कमजोर रहेकाले आफ्नै कार्यालयभित्र भरपर्दो सेवा नहुँदा बाहिर विकल्प खोज्नुपर्ने अवस्था आउनु दुःखद भएको ।
* सर्भर बारम्बार डाउन हुँदा संसद्को बैठकसमेत प्रभावित हुने अवस्था देखिएको।
* यति गम्भीर समस्या हुँदा पनि सम्बन्धित सेवा प्रदायक कम्पनीसँग किन स्पष्टीकरण मागिएन भन्ने विषयमा प्रश्न उठाइएको।
* सरकारी डेटा सुरक्षाको वर्तमान अवस्था र डेटा सुरक्षित राख्ने प्रणालीबारे समीक्षा गरिएको।
* सरुवा भएर आउने र जाने निकाय प्रमुखहरूको हकमा अनिवार्य रूपमा ‘ह्यान्डओभर’ र ‘टेकओभर’ प्रणाली लागू गर्नुपर्ने, ताकि कार्यालयका कागजात, जिम्मेवारी र सूचना व्यवस्थित रूपमा हस्तान्तरण हुन सकून् भन्ने विषयमा छलफल गरिएको।
* सूचना प्रविधि प्रणाली तथा प्रशासनिक व्यवस्थालाई अझ सुरक्षित, व्यवस्थित र प्रभावकारी बनाउन आवश्यक सुधारका काम यथाशीघ्र अघि बढाउन सचिवसहित सम्बन्धित अधिकारीहरूलाई निर्देशन दिइएको ।