समाज

पासपोर्ट बनाउन पनि किन यति सास्ती ? (तस्बिरहरु)

सिधाकुरा

बिहीबार, साउन १४, २०८३

पासपोर्ट बनाउन पनि किन यति सास्ती ? (तस्बिरहरु)

काठमाडौँ । सम्भावनाको खोजी र देशभित्र अवसरको अभावले विदेश जान चाहनेको संख्या बढ्दो छ । तर, विदेश जाने पहिलो खुड्किलो अर्थात् पासपोर्ट बनाउनसमेत नागरिकले निकै सास्ती भोग्नुपरेको अवस्था छ।

त्रिपुरेश्वरस्थित राहदानी विभागमा सेवाग्राहीको भीड निकै बढेको छ । उच्च शिक्षा र रोजगारीका लागि विदेश जान चाहने युवाहरु राहदानी (पासपोर्ट) बनाउन दिनभर लाइनमा बस्नुपर्ने बाध्यता छ ।

Watch On

जिल्लामा पनि राहदानी बनाउनेको चाप उत्तिकै छ । विभागले दैनिक १५ सयसम्म राहदानी छापिने दाबी गरे पनि भीड घटेको छैन ।

दक्षिण कोरियामा रोजगार अनुमति प्रणाली (ईपीएस)का लागि आवेदन दिनेको संख्या बढ्दा राहदानी विभागमा यतिबेला अत्यधिक चाप छ । सेवाग्राहीको चाप बढेपछि विभागले विद्युतीय राहदानीसम्बन्धी सेवा बिहीबारदेखि दुई सिफ्टमा सुरु गरेको छ ।

विभागका अनुसार पहिलो सिफ्ट बिहान ७ बजेदेखि दिउँसो २ बजेसम्म र दोस्रो सिफ्ट दिउँसो २ बजेदेखि बेलुकी ९ बजेसम्म सञ्चालन हुनेछ । साउन २२ सम्म सेवा प्रवाह दुई सिफ्टमा हुनेछ ।

यसैगरी, सेवाग्राहीको सुविधालाई मध्यनजर गर्दै सार्वजनिक बिदाका दिन शनिबार र आइतबारसमेत बिहान १० बजेदेखि बेलुकी ४ बजेसम्म विभागबाट सेवा प्रवाह गरिने विभागले जनाएको छ। शव्द/चित्र: नेपाल फोटो लाइब्रेरी

Passport-Department-Bhid_NPL-(10)-1785398985.jpeg

Passport-Department-Bhid_NPL-(9)-1785398985.jpeg