नेताका कुरा

रास्वपाको जति छिटो उदय, त्यति छिटो पतन– महासचिव पोखरेल

सिधाकुरा

शुक्रबार, साउन १५, २०८३

रास्वपाको जति छिटो उदय, त्यति छिटो पतन– महासचिव पोखरेल

काठमाडौं । नेकपा एमालेका महासचिव शंकर पोखरेलले राष्ट्रिय स्वतन्त्र पार्टी (रास्वपा) को राजनीतिक भविष्य लामो समय नटिक्ने दाबी गरेका छन् ।

शुक्रबार पार्टीको राजधानी प्रदेश कमिटीले आयोजना गरेको कार्यक्रममा रास्वपाको तीब्र उदयप्रति लक्षित गर्दै उनले भने, ‘यो शक्तिको जति छिटो उदय भएको छ, यसको पतन सम्भावना त्यति नै ज्यादा हुन्छ भन्ने बुझ्नुपर्छ । जति छिटो उदय, त्यति छिटो पतन।’

Watch On

एमालेका लागि रास्वपा कुनै दीर्घकालीन चुनौती नभएको उनको बुझाइ छ।

कार्यक्रममा महासचिव पोखरेलले एमाले सधैं गरिबी न्यूनीकरणको पक्षमा उभिएको दाबी गरे । एमालेले गरिबी जन्माउने नभई गरिबीबाट मुक्ति दिलाउने काम गरेको उनको तर्क थियो। पञ्चायतकालको अन्त्यमा ४५ प्रतिशत रहेको गरिबीको दरलाई घटाएर २० प्रतिशतमा झार्न पार्टी सफल भएको तथ्यांक पनि उनले यस दौरान प्रस्तुत गरे ।

राजनीतिक दाबीसँगै पोखरेलले एमालेभित्रै सुधार गर्नुपर्ने पक्षतर्फ पनि संकेत गरे । पार्टीबाट टाढिएका विभिन्न वर्ग र समुदायलाई पुनः जोड्ने अभियान तत्काल सुरु गर्नुपर्नेमा उनले जोड दिए । एमालेले जनतासँगको दूरी घटाउन र संगठनलाई अझ व्यापक बनाउन छिट्टै प्रभावकारी कदम चाल्नुपर्ने उनको भनाइ छ ।

प्रकाशित मिति: शुक्रबार, साउन १५, २०८३

प्रतिक्रिया दिनुहोस्