डिडिसीको आक्रामक विस्तारका लागि कृषि मन्त्री चौधरी सक्रिय : उपत्यकामा थप ८ वटा काउन्टर,  किसानलाई धमाधम भुक्तानी

काठमाडौँ । प्रधानमन्त्री वालेन्द्र शाहले प्रवर्द्धन गरेको दुग्ध विकास संस्थानले आक्रामक बजार विस्तार गरेको छ । 

कृषि, वन तथा पर्यावरण मन्त्री गीता चौधरीको नेतृत्वमा रहेको डिडिसीले एकातिर आक्रामक व्यापार गरिरहेको छ भने अर्कोतिर किसानको भुक्तानी धमाधम गरिरहेको छ । बाँकी रहेको वक्यौता पनि धमाधम तिरिरहेको छ । 

Watch On

कृषि मन्त्रालयकाअनुसार डिडिसीले आक्रमक बजारीकरण तथा संस्थानमा रहेको मौज्दातको खपतबाट सृजित बिक्री आम्दानीबाट तीन महिनामा कृषक भुक्तानीलाई ७२ करोडबाट करिब ३५ करोडमा सीमित गरेको छ । भुक्तानीलाई अझै थप सुधार गरी ७ महिनासम्मको भुक्तानी दुरीलाई २-३ महिनामा ल्याइ सकिएको र सो लाई अझै एक महिनामा झार्ने लक्ष्य अनुरुप कार्य भैरहेको मन्त्रालयले जनाएको छ । 

मन्त्रालयकाअनुसार यो बीचमा धुलो दुध ६०० मेट्रिक टन र मखन ४५० मेट्रिक टन मौज्दात रहेकोलाई खपत गराई बिक्री आम्दानी बढाइएको छ । 

यसैगरी दैनिक बिक्री आम्दानीलाई ६० लाख दैनिकबाट ९० लाख पुर्याउन सफल भएको छ । यसबाट आएको थप रकमलाई सत्प्रतिशत कृषक भुक्तानीमा लगाइएको छ । 

संस्थानका अनिवार्य बाहेकमा अन्य खर्चहरुलाई न्युनिकरण गरि कृषक भुक्तानीमा प्राथमिकता दिइएको मन्त्रालयले जनाएको छ । 

यसैगरी निजी क्षेत्रसँगको समन्वयमा काठमाडौं उपत्यकामा ८ वटा डेडिकेटेड सेल्स काउन्टर खोलिएको छ । 

बाँकी बक्यौता असुलीमा दृढता तथा कठोरताका साथ लागि रकम उठाइएको छ । 

कर्मचीहरुलाई दिइँदै आइएको सहुलियत दुध तथा घ्यूको सुविधालाई कटौती गरि बार्षिक ३ करोडको अतिरिक्त बचत गरिएको छ । 

यस विचमा नेपाल सरकारबाट कुनै पनि किसिमको सहुलियत कर्जा तथा अनुदानहरु नलिएको र संस्थानको आन्तरिक सुधार तथा आक्रमक वजारीकरणबाट नै कृषक भुक्तानीलाई सहजिकरण गरिएको मन्त्रालयले जनाएको छ ।