समाज

रोल्पा पहिरोमा हराइरहेकाहरूको खोजी तीव्र पार्न ओलीले गरे आग्रह

सिधाकुरा

बिहीबार, साउन २८, २०८३

रोल्पा पहिरोमा हराइरहेकाहरूको खोजी तीव्र पार्न ओलीले गरे आग्रह

काठमाडौं । नेकपा एमालेका अध्यक्ष केपी शर्मा ओलीले रोल्पाको थबाङ गाउँपालिका–५ मा गएको भीषण पहिरोमा १३ जना बेपत्ता भएको घटनाप्रति दुःख व्यक्त गर्दै खोजी तथा उद्धार कार्य तीव्र पार्न सरकारसँग आग्रह गरेका छन्।

ओलीले सामाजिक सञ्जालमार्फत अविरल वर्षाका कारण ११ वटा घर पुरिँदा १३ जना नागरिक बेपत्ता भएको र हालसम्म चार जनाको शव फेला परेको जानकारी प्राप्त भएको बताएका हुन्।

Watch On

उनले घटनामा एमालेका पूर्व केन्द्रीय सदस्य नवीन रोका मगरकी आमा हस्तमा रोका मगरसमेत बेपत्ता भएको उल्लेख गरेका छन्।

पहिरोमा परी ज्यान गुमाउनेहरूप्रति भावपूर्ण श्रद्धाञ्जली अर्पण गर्दै ओलीले शोकाकुल परिवारजनप्रति गहिरो समवेदना व्यक्त गरेका छन्।

उनले बेपत्ता नागरिकहरूको खोजी तथा उद्धार कार्यलाई तीव्र र तदारुकताका साथ अघि बढाउन सरकार र स्थानीय प्रशासनसँग आग्रह गरेका छन्।

विपत्तिमा परेका परिवारलाई सहयोग र राहतका लागि पूर्ण सेवाभावका साथ तत्काल खटिन पार्टीका स्थानीय नेता तथा कार्यकर्तालाई निर्देशन दिएको पनि ओलीले बताएका छन्।

ओलीले पहिरो प्रभावित परिवारको उद्धार, राहत, घाइतेको स्वास्थ्य उपचार तथा पुनर्वासको तत्काल व्यवस्था गर्न सरकारसँग आग्रह गरेका छन्।

प्रकाशित मिति: बिहीबार, साउन २८, २०८३

प्रतिक्रिया दिनुहोस्