सानेपाबाट विश्वप्रकाशको जवाफ– भेलाले नयाँ पार्टी बनाउन सक्दैन

काठमाडौँ । नेपाली कांग्रेसका उपसभापति विश्वप्रकाश शर्माले इतर पक्षको भेलाले नयाँ पार्टी बनाउन नसक्ने बताएका छन् ।

केन्द्रीय कार्यालय सानेपामा जारी केन्द्रीय समिति बैठकलाई सम्बोधन गर्दै उपसभापति शर्माले कांग्रेसका आम कार्यकर्ताको चाहना नयाँ पार्टी बनाउनु नरहेको बताएका हुन् । उनले भने– आज हुँदै गरेको केही साथीहरुको भेलाले नयाँ पार्टी बनाउन सक्दैन, नयाँ पार्टी कोही कसैको चाहना होइन।’

Watch On

उनले मुलुकको लोकतान्त्रिक प्रणालीलाई बलियो बनाउन र समुन्नतिको यात्रालाई गति दिन नेपाली कांग्रेस पार्टीभित्र सुदृढ एकता आवश्यक रहेको बताए । पार्टीभित्र देखिएका कतिपय प्रतिकूलता र भिन्न मतका बीच पनि पार्टीलाई एकताबद्ध बनाएर लैजानुपर्नेमा जोड दिए । उनले विशेष महाधिवेशनबाट व्यक्त भएको कार्यकर्ताको भावना र दृढताकै जगमा आगामी दिनमा पार्टी अझ बलियो भएर जाने विश्वास व्यक्त गरे ।

पार्टीका नेता–कार्यकर्ताहरूमा रहने व्यक्तिगत सम्बन्ध र निष्ठाको सम्मान गर्दै व्यक्तिभन्दा संस्था र सिद्धान्तप्रतिको निष्ठा माथि हुने शर्माको भनाइ थियो ।

उनले पार्टीको एकताका लागि गत जेठ १६ गते पठाएको सात बुँदे प्रस्तावकै वरिपरि रहेर पार्टीमा बृहत सहमति खोजिने स्पष्ट पारे ।  ‘हामीले जेठ १६ गते नै सात बुँदे लिखित प्रस्ताव नेताहरू समक्ष पठाएका थियौं । पार्टीभित्रको आन्तरिक विषय भएकाले संयम र परिपक्वता देखाउन त्यसबेला यसलाई गोप्य राखिए पनि पछि जेठ ३१ गते सार्वजनिक गरिएको हो’ शर्माले भने ।

शर्माले सर्वोच्चको आदेशलाई जित र हारको रुपमा हेर्न नहुने बताए ।