नेताका कुरा

कांग्रेस इतरपक्षको भेलाका मुख्य दुई निर्णयः देउवाकै नेतृत्वमा महाधिवेशन, शशांकको नेतृत्वमा पार्टी सञ्चालन

सिधाकुरा

आइतबार, साउन ३१, २०८३

कांग्रेस इतरपक्षको भेलाका मुख्य दुई निर्णयः देउवाकै नेतृत्वमा महाधिवेशन, शशांकको नेतृत्वमा पार्टी सञ्चालन

काठमाडौँ । नेपाली कांग्रेस संस्थापन इतरपक्षको तीन दिने राष्ट्रिय भेला आज सकिएको छ । राष्ट्रिय भेलाका रुपमा उद्घाटन गरिए पनि दोस्रो दिन भेलालाई सम्मेलनमा रुपान्तरण गरिएको थियो ।

सम्मेलनको अन्तिम दिन आज सम्मेलनका निष्कर्ष र निर्णय सुनाइएको छ । सम्मेलनले गरेको निर्णयमा ‘पार्टीको आगामी १५ औं महाधिवेशन सभापति शेरबहादुर देउवाको नेतृत्वमा हुने’ उल्लेख छ ।

Watch On

सम्मेलन व्यवस्थापन समितिका संयोजक दीपक कुइँकेलले घोषणा गरेको निर्णयमा भनिएको छ– ‘१४ औं महाधिवेशनबाट निर्मित गरेको जो पार्टी सभापति शेरबहादुर दाइको नेतृत्वमा रहेको कार्यसमिति छ, त्यो केन्द्रीय कार्यसमितिको निर्णय र आयोजनामा महाधिवेशन सम्पन्न हुनेछ ।’

सम्मेलनको निर्णय सुनाउँदै गर्दा केही शव्दमा नेता विमलेन्द्र निधिले आपत्ति जनाएका थिए भने भने अर्का नेता डा. प्रकाशशरण महत र निधिबीच भनाभन समेत चलेको थियो ।

त्यस्तै, सम्मेलनले १५ औं महाधिवेशनसम्म पार्टीको नियमित क्रियाकलाप सभापति देउवाको निर्देशनमा राष्ट्रिय भेला÷सम्मेलन आयोजक समितिका संयोजकले नै संयोजन गर्दै जाने निर्णय गरेको छ।

यसको अर्थ महाधिवेशनसम्म पूर्वमहामन्त्री शशांक कोइरालाले नै इतर पक्षको नेतृत्व गर्नेछने, उनलाई देउवाले आवश्यक निर्देशन दिने छन् ।

प्रकाशित मिति: आइतबार, साउन ३१, २०८३

प्रतिक्रिया दिनुहोस्