समाज

आफ्नो कुरा भन्ने हिम्मत नभएकाले बीपीको नाम लिएका छन्ः गगन थापा

सिधाकुरा

आइतबार, साउन ३१, २०८३

आफ्नो कुरा भन्ने हिम्मत नभएकाले बीपीको नाम लिएका छन्ः गगन थापा

काठमाडौँ । नेपाली कांग्रेसका सभापति गगनकुमार थापाले बीपी कोइरालालाई गलत रुपमा व्याख्या नगर्न इतरपक्षका नेताहरुलाई सुझाव दिएका छन् ।

आज काठमाडौँमा धर्म गौतमले लेखेको पुस्तक ‘बीपी र विद्रोहका ती दिन’ को विमोचन गर्दै थापाले केही नेताहरुले अहिले रातारात बीपीलाई सम्झेको टिप्पणी गरे ।

Watch On

‘बीपी कोइरालाको मेलमिलापको सन्दर्भ अहिले व्यापक आइरहेको छ । नेताहरुले फेरि रातारात बीपीलाई सम्झनु भएको छ’ थापाले भने ‘यहाँ अहिले कोसँग के मिलाउनु परेको छ, कोसँग कानेखुसी गर्नु परेको छ, हिम्मत छैन फेरि आफै आएर भन्ने, म यसो गर्छु भन्ने हिम्मत छैन । त्यो हिम्मत नभएपछि के हुन्छ भने कसलाई सम्झने भन्दा बीपीलाई सम्झने ।’

सभापति थापाले जसले उपस्थित हुन नसक्ने व्यक्तिको नाम लिएर अपव्याख्या गर्ने काम भइरहेको पनि बताए । उनले भने– अहिले बीपी त आउनु हुन्न, बीपीलाई हामीले पनि बुझेका छौं, बीपी कोइरालालाई, गणेशमान संहलाई कसैले घरभित्र कैद गर्न दिनुहुन्न । बीपीलाई गलत रुपमा व्याख्या गरिनुहुन्न ।’

सभापति थापाले इतर पक्षको भेला र त्यहाँ लगाइएका आरोपका बारेमा भोलि (सोमबार) पार्टी कार्यालयमा पत्रकार सम्मेलन गरेर जवाफ दिने पनि जानकारी दिए ।

प्रकाशित मिति: आइतबार, साउन ३१, २०८३

प्रतिक्रिया दिनुहोस्