सबै कुरा

मन्त्री किरातीद्वारा नियुक्त पशुपति क्षेत्र विकास कोषकी कार्यकारी निर्देशक पुनको नियुक्ति बदर

सिधाकुरा

सोमबार, माघ ८, २०८०

मन्त्री किरातीद्वारा नियुक्त पशुपति क्षेत्र विकास कोषकी कार्यकारी निर्देशक पुनको नियुक्ति बदर

काठमाडाैँ । गत पुस ४ मा संस्कृति, पर्यटन तथा नागरिक उड्डयनमन्त्री सुदन किरातीको अध्यक्षतामा बसेको बैठकले पशुपति क्षेत्र विकास कोषको कार्यकारी निर्देशकमा लक्ष्मी पुनलाई नियुक्त गरेपनि अदालतले त्यसलाई बदर गरिदिएको छ ।

Watch On

उच्च अदालत पाटनका न्यायाधीश ऋषिराम दवाडी र श्यामकुमार भट्टराईको संयुक्त इजलासले आइतबार नवनियुक्त कार्यकारी निर्देशक पुनको नियुक्ति बदर गर्न अन्तरिम आदेश दिएको हो । अदालतले पदपूर्तिका लागि आवश्यक मापदण्ड नपुगेको कारण देखाएर पुनको नियुक्त बदर गरिदिएको हो ।

पुनको नियुक्ति बदर गर्न माग गर्दै पशुपति क्षेत्र विकास कोषकै भरत मरासिनीले पुस २९ गते उच्च अदालत पाटनमा रिट दायर गरेका थिए । उनले दायर गरेको रिटउपर सुनुवाई गर्दै अदालतले अन्तरिम आदेश दिएको हो ।

त्यस्तै लक्ष्मी पुनको नियुक्तिको विषयलाई लिएर संसदको अन्तर्राष्ट्रिय सम्बन्ध तथा श्रम समितिमा छलफल मात्र भएको थिएन, पुनको नियुत्तिको कागजात समेत मााग गरेको थियो ।

यसअघिका कार्यकारी निर्देशक घनश्याम खतिवडाको पुस १ गते सकिएपछि पुनलाई कार्यकारी निर्देशकमा नियुक्त गरिएको हो ।

प्रकाशित मिति: सोमबार, माघ ८, २०८०

प्रतिक्रिया दिनुहोस्