नेभिगेशन
समाज

हिमालयलाई विशेष जलवायु तथा विपद् जोखिम क्षेत्रको अन्तर्राष्ट्रिय मान्यता दिलाउन पहल गरौँ : रवि लामिछाने

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले हिमालयलाई विशेष जलवायु तथा विपद् जोखिम क्षेत्रका रूपमा अन्तर्राष्ट्रिय मान्यता दिलाउन पहल गर्नुपर्ने प्रस्ताव राखेका छन्।

Watch On

Facebook Tiktok Youtube Instagram Twitter

प्रतिनिधि सभा बैठकमा बुधबार बोल्दै लामिछानेले हिमालय संरक्षण तथा जलवायु अनुकूलनका लागि अन्तर्राष्ट्रिय जलवायु कोषबाट विशेष र सहज वित्तीय पहुँच सुनिश्चित गर्नुपर्ने बताए।

Marvel
Extreme Energy

उनले दक्षिण–दक्षिण सहकार्यअन्तर्गत हिमालयसम्बन्धी वैज्ञानिक अनुसन्धान र तथ्यांक आदानप्रदानलाई अघि बढाउनुपर्नेमा जोड दिए। साथै, सीमा पार हुने प्रारम्भिक चेतावनी तथा विपद् पूर्वसूचना प्रणालीको विकास गर्नुपर्ने उनको भनाइ थियो।

हिमाली समुदायको जीवन, जीविकोपार्जन र सुरक्षित भविष्यको संरक्षणका साथै जलवायुजन्य हानि तथा क्षतिको सम्बोधनका लागि जलवायुजन्य हानि तथा क्षति सम्बोधन कोषबाट न्यायोचित अन्तर्राष्ट्रिय सहयोग सुनिश्चित गर्न पहल गर्नुपर्ने उनले बताए।

यी विषय समेटेर संघीय संसद्का दुवै सदनबाट ‘हिमाली जलवायु तथा विपद् आपत्काल’ सम्बन्धी विशेष संसदीय प्रस्ताव पारित गरी अन्तर्राष्ट्रिय मञ्चमा प्रस्तुत गर्नुपर्ने लामिछानेको प्रस्ताव छ।

‘जलवायु परिवर्तन हाम्रा नागरिकका लागि जीवन र मरणको विषय बनेको छ,’ उनले भने।

पछिल्ला विनाशकारी हिमपहिरोले वनमा रहेको कार्बन भण्डारजस्तै पर्वतीय हिउँलाई पनि महत्वपूर्ण प्राकृतिक सम्पत्तिका रूपमा मान्यता दिनुपर्ने आवश्यकता उजागर गरेको लामिछानेले बताए।

उनका अनुसार हिमनदीहरू अमूल्य ताजा पानीका भण्डार हुन्। तिनले पारिस्थितिक प्रणालीसँगै तल्लो तटीय क्षेत्रमा बसोबास गर्ने लाखौँ मानिसको जीवनयापन धानिरहेका छन्।

‘यद्यपि, विश्वव्यापी आर्थिक तथा जलवायु लेखाप्रणालीमा यिनीहरू अझै पनि उपेक्षित छन्,’ उनले भने।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
भीमफेदी दुर्घटनाका मृतकका परिवारलाई जनही एक लाख राहत

भीमफेदी दुर्घटनाका मृतकका परिवारलाई जनही एक लाख राहत

प्रदेश मन्त्रिपरिषद्को आज बसेको बैठकले मृतकका परिवारलाई राहतस्वरूप जनही रु एक लाख उपलब्ध गराउने निर्णय गरेको स्वास्थ्य तथा जनसङ्ख्यामन्त्री नागेन्द्र साहले जानकारी दिए ।
जलवायु वित्त ऋणको भार थप्ने माध्यम बन्नुहुँदैनः परराष्ट्रमन्त्री खनाल

जलवायु वित्त ऋणको भार थप्ने माध्यम बन्नुहुँदैनः परराष्ट्रमन्त्री खनाल

तुर्कीएको अन्ताल्यामा जारी जलवायु परिवर्तनसम्बन्धी संयुक्त राष्ट्रसंघीय पक्ष राष्ट्रहरूको ३१औं सम्मेलन (कोप–३१) अन्तर्गत शुक्रबार आयोजित ‘साना टापु राष्ट्र तथा अल्पविकसित मुलुकको जलवायु वित्त आवश्यकता र वित्तमा पहुँच’ विषयक...
कृषि तथा पर्यावरणमन्त्री गिता चौधरी र चीनका वातावरणमन्त्री ह्वाङ रुनछ्युबीच भेटवार्ता

कृषि तथा पर्यावरणमन्त्री गिता चौधरी र चीनका वातावरणमन्त्री ह्वाङ रुनछ्युबीच भेटवार्ता

जलवायु परिवर्तनसम्बन्धी संयुक्त राष्ट्रसङ्घीय महासन्धिका पक्ष राष्ट्रहरूको ३१औँ सम्मेलन ९कोप–३१० का अवसरमा बिहीबार छलफल भएको हो । छलफलमा प्रस्तावित हिमालय जलवायु उत्थानशीलता संयन्त्र स्थापनाका लागि चीनको सहयोग र...
नवनियुक्त चार न्यायाधीशद्वारा शपथग्रहण

नवनियुक्त चार न्यायाधीशद्वारा शपथग्रहण

शीलत निवासस्थित राष्ट्रपति कार्यालयमा आज आयोजित समारोहमा प्रधानन्यायाधीश डा शर्माले नवनियुक्त न्यायाधीशहरू डा रत्नबहादुर बागचन्द, चन्द्रबहादुर सारू, जनक पाण्डे र गोकर्ण डाँगीलाई शपथग्रहण गराएका हुन् ।