रास्वपा संसदीय दलको बैठकमा प्रधानमन्त्री बालेनसँगै पूर्वाधार र ऊर्जामन्त्री बाहेक सबै मन्त्री सहभागी (तस्बिरहरु)

काठमाडौं । राष्ट्रिय स्वतन्त्र पार्टी संसदीय दलको बैठक सिंहदरबारमा बसिरहेको छ ।

सिंहदरबारस्थित संसदीय दलको कार्यालयमा सभापति रवि लामिछानेको अध्यक्षतामा बैठक बसिरहेको छ । 

Watch On

बैठकमा पछिल्ला दिनमा देखिएका समसामयिक राजनीतिक तथा संसदीय विषयमा छलफल भइरहेको छ । 

बैठकमा पार्टीबाट सरकारमा सहभागी मन्त्रीहरू पनि सहभागी छन् । 

पछिल्लो समय सदनमा रास्वपा सांसदहरूको प्रस्तुति, संसदीय मर्यादा तथा पार्टीको नीति र अनुशासन पालना लगायतका विषयमा प्रश्न उठिरहेका बेला सभापति रवि लामिछानेको आह्वानमा संसदीय दलको बैठक बसेको हो ।

सभापतिसहित पार्टीका अधिकांश पदाधिकारी सहभागी बैठकमा प्रधानमन्त्री एवम् संसदीय दलका नेता बालेन शाह भने अनुपस्थित छन् । त्यस्तै, पूर्वाधार विकासमन्त्री सुनील लम्साल पनि बैठकमा सहभागी छैनन् । सुदूरपश्चिम भ्रमणका क्रममा अस्वस्थ बनेका मन्त्री लम्सालले अहिले निवासमै आराम गरिरहेका छन् ।

संसदीय दलको बैठक बसिरहँदा प्रधानमन्त्री बालेन शाह भने प्रधानमन्त्री कार्यालयमा छन् । 

ऊर्जामन्त्री बिराजभक्त श्रेष्ठ पनि बैठकमा सहभागी भएनन् । उनले आज राष्ट्रियसभा र प्रतिनिधिसभामा जवाफ दिने कार्यक्रम छ । त्यसैको तयारी गर्नुपर्ने भएकाले सभापतिलाई जानकारी गराएर संसदीय दलको बैठकमा सहभागी नभएको उनको सचिवालयले जनाएको छ।