सबै कुरा

हिरो मोटोकर्पको आधिकारिक बिक्रेतामा सिजी मोटर्स चयन

सिधाकुरा

सोमबार, माघ ८, २०८०

हिरो मोटोकर्पको आधिकारिक बिक्रेतामा सिजी मोटर्स चयन

हिरो मोटोकर्पले चौधरी समूह अन्तरगतको सिजी मोटर्सलाई हिरो मोटोकर्पको आधिकारिक बिक्रेता चयन गरेको छ । हिरो माटोकर्पले एक विज्ञप्ति जारी गर्दै नेपालका लागि चौधरी ग्रुपको सिजी मोटर्सलाई नेपालका लागि आफ्नो आधिकारिक बिक्रेता नियुक्त गरिएको जनाएको हो ।

Watch On

यस अघि ज्याती समूह अन्तरगतको नेपाल जनरल मार्केटिङ (नजीएम) नेपालका लागि हिरो मोटोकर्पको आधिकारिक बिक्रेता रहेको थियो । गत वर्षदेखि उक्त सहकार्य टुटेको थियो । सन् १९८६ देखि ज्योती ग्रुप अन्तरगतको स्याकार कम्पनी हिरो होण्डाको आधिकारिक बिक्रेता थियो । सन् २०१४ मा होण्डा र हिरो अलग भएसँगै ज्योती समुहमा पनि विभाजन भई होण्डा स्याकार ट्रेडिङसँग र हिरो एनजीएमममा गएको थियो ।

गत फागुनमा हिरो मोटोकर्पले औपचारिक रुपमा नै एनजीएमसँगको सहकार्य समाप्त भएको घोषणा गरेको थियो । अपेक्षित रुपमा बजार बिस्तार गर्न नसकेको, हिरोका उत्पादनको नेपालमा बिक्री बितरणमा कमी आएको जस्ता कारण देखाउँदै हिरो मोटोकर्पले बिक्रेताबाट एनजीएमलाई हटाउन खाजेको थियो । हिरो मोटोकर्प र सीजी मोटर्सले नेपालमा हिरोका उत्पादनहरू एसेम्बल गर्नको लागि अत्याधुनिक ग्रीनफिल्ड सुविधा स्थापना गर्ने पनि विज्ञप्तिमा उल्लेख छ ।

प्रकाशित मिति: सोमबार, माघ ८, २०८०

प्रतिक्रिया दिनुहोस्