समाज

राप्रपाका तीन सांसदलाई १२ घण्टाभित्र स्पष्टीकरण दिन निर्देशन

सिधाकुरा

शुक्रबार, भदौ ५, २०८३

राप्रपाका तीन सांसदलाई १२ घण्टाभित्र स्पष्टीकरण दिन निर्देशन

काठमाडौँ । राष्ट्रिय प्रजातन्त्र पार्टी (राप्रपा)ले पार्टीको निर्णय र निर्देशनविपरीत बागमती प्रदेश सरकारमा मन्त्री पदको शपथ लिएका आफ्ना तीन सांसदलाई १२ घण्टाभित्र स्पष्टीकरण दिन निर्देशन दिएको छ ।

राप्रपाका प्रवक्ता मोहन श्रेष्ठका अनुसार पार्टीको केन्द्रीय अनुशासन समितिले प्रदेश सभा सदस्यहरू राजु विष्ट, राजेन्द्र प्रजापति र गिरबहादुर तामाङलाई ‘किन कारबाही नगर्ने ?’ भन्दै १२ घण्टाभित्र स्पष्टीकरण पेश गर्न समय दिएको हो ।

Watch On

राप्रपाको केन्द्रीय कार्यसम्पादन समितिको बैठकले संसदीय दलका नेताको निजी लेटरप्याड प्रयोग गरी बागमती प्रदेश सरकारलाई पार्टीको तर्फबाट समर्थन दिएको भन्दै प्रदेश सभा सदस्य उद्धव थापाको पार्टी सदस्यता निलम्बन गर्ने र प्रदेश सभा सदस्य पदबाट समेत पदमुक्त गर्ने निर्णय गरेको थियो ।

उक्त निर्णय र विषयबारे जानकारी हुँदाहुँदै पार्टीको निर्णय तथा निर्देशनविपरीत तीन सांसदले बागमती प्रदेश सरकारमा मन्त्री पदको शपथ लिएको राप्रपाको आरोप छ ।

सोही विषयलाई लिएर उनीहरूमाथि अनुशासनात्मक कारबाहीको प्रक्रिया अघि बढाइएको प्रवक्ता श्रेष्ठले बताएका छन् । राप्रपाले स्पष्टीकरणपछि आवश्यक निर्णय लिने जनाएको छ।

प्रकाशित मिति: शुक्रबार, भदौ ५, २०८३

प्रतिक्रिया दिनुहोस्