समाज

२१ सिट हुँदा प्रधानमन्त्री बन्न मेरो मात्रै हस्ताक्षर बाँकी राखेर प्रस्ताव आएको थियोः रवि लामिछाने

सिधाकुरा

आइतबार, भदौ ७, २०८३

२१ सिट हुँदा प्रधानमन्त्री बन्न मेरो मात्रै हस्ताक्षर बाँकी राखेर प्रस्ताव आएको थियोः रवि लामिछाने

काठमाडौँ । राष्ट्रिय स्वतन्त्र पार्टीका सभापति रवि लामिछानेले आफूले २१ सिटको दलको नेताको रुपमा आफूलाई प्रधानमन्त्रीको प्रस्ताव आएको बताएका छन् । उनले देशलाई आवश्यक परेको बेला सबैजनाले पद त्याग्न तयार हुनुपर्ने भन्दै सो प्रसंग प्रस्तुत गरेका हुन् ।

काठमाडौँमा आयोजित पार्टीको नीति, संगठन र नेतृत्व कार्यशालामा सम्बोधन गर्दै उनले पार्टीका नेताहरुलाई उनले सो कुरा बताएका हुन् । उनले भने, ‘मलाइ २१ सिटको दलको नेताको रुपमा प्रधानमन्त्री बन्नका निम्ति मेरो मात्रै हस्ताक्षर बाँकी राखेर प्रस्ताव पनि आएको थियो । भइदिउँ न त भन्दा त्यति धेरै गाह्रो पनि थिएन । त्यतिखेर एउटै चिज दिमागमा आयो, यत्रो आन्दोलन, यत्रो आशा, भरोसा कहाँ जान्छ ? म भइ नै हालेको भए, दुई, चार महिनाको प्रधानमन्त्री हुन्थेँ होला । धेरै नै भए सिंहदरबारमा एउटा तस्वीर सम्म टाँसिन्थ्यो होला । तर, देशले यत्रो आन्दोलन कुरेर बसेको थियो, देशले यत्रा होनाहार युवा कुरेर बसेको थियो, त्यतिखेर साँच्चै मलाई त्यो महसुस भएको थियो ।’

उनले पार्टीको नाम बेचेर व्यक्तिगत स्वार्थ पुरा नगर्न समेत आग्रह गरेका छन् । ‘मैले, पार्टीले कसैलाई पनि कुनै अख्तियारी दिएको छैन ।’ उनले भने ।