समाज

भोटेकोशी बाढीमा ज्यान गुमाएकाहरूप्रति शोक व्यक्त

सिधाकुरा

सोमबार, भदौ २२, २०८३

भोटेकोशी बाढीमा ज्यान गुमाएकाहरूप्रति शोक व्यक्त

काठमाडौँ । भोटेकोशी बाढीलगायत विपद्का घटनामा ज्यान गुमाएकाहरूप्रति आज शोक व्यक्त गरिएको छ ।

Watch On

मन्त्रिपरिषद्को बिहीबार बसेको बैठकले रसुवा बाढीमा ज्यान गुमाएकाहरूको सम्मानमा आज राष्ट्रिय शोक दिवस मनाउने निर्णय गरेको थियो।

राष्ट्रिय शोक दिवसका अवसरमा सिंहदरबारस्थित विभिन्न मन्त्रालय तथा सरकारी कार्यालयमा राष्ट्रिय झण्डा झुकाइएको छ। देशभरका सरकारी कार्यालयमा पनि राष्ट्रिय शोकको सम्मानस्वरूप राष्ट्रिय झण्डा आधा झुकाइएको छ।

रसुवामा आएको बाढीका कारण ठूलो मानवीय क्षतिसँगै घर, सडक, पुल, बजार तथा अन्य भौतिक संरचनामा व्यापक क्षति पुगेको छ। बाढी तथा पहिरोका कारण ठूलो संख्यामा नागरिक प्रभावित भएका छन्।

बाढीमा परी ज्यान गुमाएकाहरूको शव विभिन्न स्थानबाट उद्धार गरी व्यवस्थापन गर्ने तथा बेपत्ताको खोजी कार्य अझै जारी छ। त्रिशूली नदीमा बेपत्ता भएकाहरूको खोजीका लागि नेपाली सेना, नेपाल प्रहरी र सशस्त्र प्रहरी बलसहितका सुरक्षा निकाय परिचालन गरिएको छ। नदी तथा नदी किनारका जोखिमपूर्ण क्षेत्रमा खोज तथा उद्धार कार्यलाई निरन्तरता दिइएको छ।

उपलब्ध विवरणअनुसार बाढी तथा अन्य विपद्का घटनामा हालसम्म १ हजार ३५५ जनाको मृत्यु भएको छ भने करिब ५ हजार अझै सम्पर्कविहीन छन् ।

प्रकाशित मिति: सोमबार, भदौ २२, २०८३

प्रतिक्रिया दिनुहोस्