मुख्य समाचार

परराष्ट्र भन्छ– राष्ट्रसंघमा नेपालले जलवायु संकटबाट परेको असरबारे जानकारी गराउँछ

सिधाकुरा

शुक्रबार, भदौ २६, २०८३

परराष्ट्र भन्छ– राष्ट्रसंघमा नेपालले जलवायु संकटबाट परेको असरबारे जानकारी गराउँछ

काठमाडौँ । नेपालले अमेरिकाको न्युयोर्कमा हुने संयुक्त राष्ट्रसंघको ७९ औं महासभामा जलवायु संकटबाट नेपालमा परेको असरबारे जानकारी गराउने भएको छ ।

Watch On

शुक्रबार परराष्ट्र मन्त्रालयमा आयोजित पत्रकार सम्मेलनमा मन्त्रालयका सचिव अमृतबहादुर राईले संयुक्त राष्ट्रसंघको महासभामा विश्वव्यापी हरितगृह ग्यास उत्सर्जनमा नगण्य भूमिका भए पनि नेपालले ठूलो नकारात्मक असर भोगिरहेको विषयलाई दृढतापूर्वक उठाइने जानकारी दिएका हुन् ।

प्रधानमन्त्री बालेन्द्र शाहले २४ सेप्टेम्बरमा महासभालाई सम्बोधन गर्ने कार्यक्रम रहेको सचिव राईले बताए ।

उनले नेपालमा गत वर्ष भएको ‘जेन्जी आन्दोलन’, त्यसपछिको सफल निर्वाचन र वर्तमान सरकारका प्राथमिकताहरू अन्तर्राष्ट्रिय समुदायसमक्ष प्रस्तुत गर्न यो भ्रमण महत्त्वपूर्ण अवसर हुने उल्लेख गरे ।

महासभामा रसुवाको भोटेकोशी नदीमा आएको विनाशकारी बाढीले पु¥याएको अपूरणीय क्षतिको स्मरण गराउँदै नेपाल जलवायु संकटको अग्रपंक्तिमा रहेको पुष्टि भएको उल्लेख गरिने स्पष्ट पारे ।

त्यस्तै ‘फण्ड फर रेस्पोन्डिङ टु लस एण्ड ड्यामेज’ लगायतका निकायहरूबाट तत्काल उचित क्षतिपूर्ति तथा सहायता पाउनुपर्ने ‘जलवायु न्याय’ को माग समेत गरिने सचिव राईले बताए ।

प्रकाशित मिति: शुक्रबार, भदौ २६, २०८३

प्रतिक्रिया दिनुहोस्