नेभिगेशन
समाज

यसरी खोलिँदैछ चामेमा थुनिएको मर्स्याङ्दी नदी

मनाङ। मनाङको चामे क्षेत्रमा थुनिएको मर्स्याङ्दी नदीलाई तत्काल ब्लास्ट गरेर खोल्ने प्रयास सफल हुन नसकेपछि दुईवटा स्काभेटर प्रयोग गरेर निकास खोल्ने काम भइरहेको छ।

Watch On

Facebook Tiktok Youtube Instagram Twitter

गत आइतबार घट्टेखोलामा आएको पहिरोसहितको भेलबाढीले ढुंगा, गिट्टी, बालुवा र लेदो थुपार्दा मर्स्याङ्दी नदीको बहाव थुनिएको थियो।

Marvel
Extreme Energy

थुनिएको ठाउँबाट पानी निकास भइरहेकाले तत्काल तल्लो तटीय क्षेत्रमा जोखिम नरहेको मनाङका सहायक प्रमुख जिल्ला अधिकारी कृष्णप्रसाद पौडेलले बताए।

उनका अनुसार नदी थुनिएर बनेको ताल करिब ४ सय मिटर लामो र ८० मिटर चौडा छ। ताल करिब २० फिटसम्म गहिरो रहेको अनुमान गरिएको छ।

ताल फुटाउन नेपाली सेनाको प्राविधिक ब्लास्ट टोली सोमबार नै चामे पुगेको थियो। तर ब्लास्ट गर्न आवश्यक ठूलो चट्टान फेला नपरेपछि तत्काल काम अघि बढ्न सकेन।

त्यसपछि दुईवटा स्काभेटर प्रयोग गरेर थुनिएको भाग खोतल्न थालिएको हो। ‘स्काभेटरले खोतलेर ढुंगा फेला पारेपछि फुटाउने तयारी भइरहेको छ,’ पौडेलले भने।

चामे सदरमुकामनजिकैबाट बग्ने घट्टेखोलामा २०७८ सालमा पनि भेलबाढी आएको थियो। त्यतिबेला भने मर्स्याङ्दी नदीको निकास थुनिएको थिएन।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज