नेभिगेशन
समाज

खुलेका जुट उद्योग टिकाउने नीति ल्याउन सरकारलाई रास्वपा सांसद डाँगीको आग्रह

काठमाडौं । राष्ट्रिय स्वतन्त्र पार्टी (रास्वपा)की सांसद निशा डाँगीले विराटनगर जुट मिल पुनः सञ्चालन गर्ने सरकारको पहल सकारात्मक भए पनि सञ्चालनमा रहेका जुट उद्योगको संरक्षणमा समेत ध्यान दिन सरकारलाई आग्रह गरेकी छन्।

Watch On

Facebook Tiktok Youtube Instagram Twitter

भारतले नेपाली जुटजन्य वस्तुमा लगाउँदै आएको एन्टी डम्पिङ शुल्क वृद्धि तथा जारी ‘काउन्टरभेलिङ ड्युटी’ (सीभीडी) अनुसन्धानका कारण नेपाली जुट उद्योग प्रभावित भएको उनले बताइन्।

Marvel
Extreme Energy

जुट उद्योग बन्द हुँदा हजारौँको रोजगारी गुम्ने र किसानले उत्पादन गरेको जुट बिक्री नहुँदा खेत तथा बाटोमै फाल्नुपर्ने अवस्था आउन सक्ने भन्दै उनले भारतसँग आवश्यक कूटनीतिक पहल गरी नेपाली जुट उद्योगको संरक्षण गर्नुपर्ने बताइन्।

औद्योगिक व्यवसाय ऐन, २०७६ बमोजिम रुग्ण उद्योगको पुनरुत्थान प्रक्रिया अघि बढाउनसमेत सरकारको ध्यानाकर्षण गराउँदै उनले बन्द उद्योग खोल्ने मात्र नभई सञ्चालनमा रहेका उद्योग टिकाउने नीति बनाउनुपर्ने बताइन्।

“सरकारले बन्द रहेका उद्योग खोल्ने नीति मात्र होइन, खुलेका उद्योग टिकाउने नीतिबारे पनि काम गरोस्,” उनले भनिन्।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज