भारतीय प्रधानमन्त्री मोदीको शैक्षिक योग्यतासम्बन्धी मुद्दाको सुनुवाइ स्थगित

नयाँदिल्ली । दिल्ली उच्च अदालतले भारतका प्रधानमन्त्री नरेन्द्र मोदीको शैक्षिक योग्यता (डिग्री) सम्बन्धी जानकारी मागिएका पुनरावेदनमाथिको सुनुवाइ आगामी डिसेम्बरसम्मका लागि स्थगित गरेको छ ।

Watch On

कानुनी समाचार वेबसाइट 'बार एन्ड बेन्च'का अनुसार यी मुद्दाहरू मुख्य न्यायाधीश डीके उपाध्याय र न्यायाधीश तेजस करियाको इजलासमा पेस गरिएका थिए । यद्यपि, समय अभावका कारण यिनमाथि सुनुवाइ हुन सकेन । तीन महिनाका लागि मुद्दाको सुनुवाइ स्थगित गरिएको हो । 

यसैगरी गुजरात उच्च अदालतले मंगलबार प्रधानमन्त्री मोदीको शैक्षिक डिग्रीसँग जोडिएको एउटा पुनरावेदन खारेज गरिदिएको छ ।

कानुनी मामिलासम्बन्धी वेबसाइट 'लाइभ ल'का अनुसार, आम आदमी पार्टीका संयोजक अरविन्द केजरीवालले दायर गरेको पुनरावेदन अदालतले खारेज गरेको हो । केजरीवालले गुजरात विश्वविद्यालयलाई प्रधानमन्त्री मोदीको डिग्रीबारे जानकारी दिन दिइएको निर्देशन रद्द गर्ने निर्णयविरुद्ध चुनौती दिएका थिए ।

गुजरात उच्च अदालतका मुख्य न्यायाधीश सुनिता अग्रवाल र न्यायाधीश डीएन रेको संयुक्त इजलासले एकल इजलासको अघिल्लो आदेशलाई नै सदर गरेको हो । इजलासले केन्द्रीय सूचना आयोग (सीआईसी) को २०१६ को निर्देशन रद्ध गर्ने र केजरीवालमाथि २५ हजार रुपैयाँ जरिवाना लगाउने निर्णयमा हस्तक्षेप गर्नुपर्ने कुनै आधार नभेटिएको स्पष्ट पारेको छ ।