नेभिगेशन
समाज

आइतबारदेखि ४–५ दिन हल्का वर्षाको सम्भावना, गएको हप्ताजस्तो ठूलो वर्षा नहुने

काठमाडौं। मौसमविद् विनोद पोखरेलले आगामी आइतबारदेखि करिब चार–पाँच दिनसम्म हल्का वर्षाको सम्भावना रहे पनि गएको हप्ताजस्तो ठूलो वर्षा नहुने बताएका छन्।

Watch On

Facebook Tiktok Youtube Instagram Twitter

उनका अनुसार वर्षा देशभर एकैपटक वा हरेक दिन सबै ठाउँमा हुने छैन। पूर्वी नेपालदेखि काठमाडौंसम्म वर्षाको सम्भावना तुलनात्मक रूपमा बढी देखिएको छ भने पश्चिमी क्षेत्रमा कम सम्भावना छ।

Marvel
Extreme Energy

पोखरेलले किसानले वर्षाकै कारण धान काट्न रोक्नुपर्ने अवस्था नरहेको बताएका छन्। कुन दिन मौसम अनुकूल हुन सक्छ भन्ने बुझ्न सहज होस् भन्ने उद्देश्यले मात्र यो पूर्वानुमान सार्वजनिक गरिएको उनले स्पष्ट पारेका छन्।

उनका अनुसार यो चारवटा मौसम मोडेलको औसतमा आधारित छ दिनको दैनिक वर्षा पूर्वानुमान हो। नक्सामा तीन मिलिमिटरभन्दा कम वर्षा देखिएका क्षेत्रमा खासै पानी नपर्न सक्ने र चार मिलिमिटर वा त्यसभन्दा बढी देखिएमा वर्षाको सम्भावना रहेको बुझ्न सकिन्छ।

पोखरेलले आफ्नो जिल्ला र दिनअनुसार नक्सा हेरेर वर्षाको सम्भावना बुझ्न आग्रह गरेका छन्।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज