नेभिगेशन
समाज

यी पाँच विषयमा छलफल गर्न बस्दैछ रास्वपा केन्द्रीय समिति बैठक

काठमाडौं। राष्ट्रिय स्वतन्त्र पार्टी (रास्वपा)को केन्द्रीय समिति बैठक आज बस्दैछ। पार्टी केन्द्रीय कार्यालय बनस्थलीमा दिउँसो ३ बजे  बैठक बस्न लागेको हो।

Watch On

Facebook Tiktok Youtube Instagram Twitter

बैठकमा आगामी स्थानीय निर्वाचनको तयारी, पार्टीका विभागीय जिम्मेवारी र संगठन विस्तारसँग सम्बन्धित विषयमा छलफल तथा निर्णय हुने कार्यसूची छ।

Marvel
Extreme Energy

रास्वपाका प्रवक्ता जगदीश खरेलका अनुसार स्थानीय निर्वाचनका लागि केन्द्रीय उम्मेदवार छनोट समिति सदस्य मनोनयनसम्बन्धी प्रस्ताव बैठकमा पेस हुनेछ।

त्यस्तै, विभागीय प्रमुख तथा उपप्रमुख मनोनयन, केन्द्रीय समिति र प्रतिनिधिसभा सदस्यको नेतृत्वमा सञ्चालन गर्ने भनिएको ‘हामी आउँदै छौँ’ अभियान तथा मधेस प्रदेश संगठनको अडिट रिपोर्टमाथि छलफल हुनेछ।

बैठकमा यीबाहेक समसामयिक तथा अन्य आन्तरिक विषयमा पनि छलफल हुने कार्यसूचीमा उल्लेख छ।

रास्वपाले बैठकका लागि केन्द्रीय समिति सदस्यलाई अनिवार्य उपस्थितिका लागि अनुरोध गरेको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज