नेभिगेशन
समाज

त्रिविका परीक्षा केन्द्रमा सीसीटीभी अनिवार्य

काठमाडौं। त्रिभुवन विश्वविद्यालयले वार्षिक परीक्षा सञ्चालन हुने सबै परीक्षा केन्द्रमा सीसीटीभी क्यामरा अनिवार्य गरेको छ।

Watch On

Facebook Tiktok Youtube Instagram Twitter

परीक्षा नियन्त्रण कार्यालय, बल्खुले सूचना जारी गर्दै परीक्षा सञ्चालन कक्ष, उत्तरपुस्तिका सिलबन्दी गर्ने कक्ष र प्रवेशद्वारको सम्पूर्ण दृश्य देखिने गरी सीसीटीभी जडान गर्न निर्देशन दिएको हो।

Marvel
Extreme Energy

क्यामराले कम्तीमा डेढ महिनासम्मको दृश्य रेकर्ड गर्न सक्ने व्यवस्था गर्नुपर्नेछ। साथै, उक्त रेकर्डको अनुगमन सम्बन्धित परीक्षा नियन्त्रण कार्यालयले गर्न सक्ने व्यवस्था मिलाउनुपर्ने त्रिविले जनाएको छ।

त्रिवि केन्द्रीय परीक्षा सञ्चालक समितिको भदौ ३ गते बसेको बैठकको निर्णयअनुसार यस्तो व्यवस्था गर्न सबै परीक्षा केन्द्रलाई सूचित गरिएको परीक्षा नियन्त्रण कार्यालयले जनाएको छ।

तोकिएको व्यवस्थापन नगर्ने परीक्षा केन्द्रलाई आगामी परीक्षामा परिवर्तनसमेत गर्न सकिने त्रिविले स्पष्ट पारेको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज