नेभिगेशन
समाज

आज कहाँ-कहाँ छ वर्षाको सम्भावना?

काठमाडौं । आइतबार कोशी, बागमती, गण्डकी र लुम्बिनी प्रदेशका हिमाली तथा पहाडी भू-भागमा सामान्यतया बदली रहने मौसम पूर्वानुमान महाशाखाले जनाएको छ।

Watch On

Facebook Tiktok Youtube Instagram Twitter

कर्णाली र सुदूरपश्चिम प्रदेशका हिमाली तथा पहाडी क्षेत्रमा आंशिक बदली रहनेछ भने देशका तराई भू-भागमा पनि आंशिक बदली रहनेछ।

Marvel
Extreme Energy

कोशी, बागमती, गण्डकी र लुम्बिनी प्रदेशका हिमाली तथा पहाडी भू-भागका थोरै स्थानमा तथा कर्णाली र सुदूरपश्चिमका हिमाली तथा पहाडी भू-भागका एक–दुई स्थानमा मध्यम वर्षा वा हिमपातको सम्भावना रहेको छ।

यस्तै, कोशी, बागमती, गण्डकी र लुम्बिनी प्रदेशका तराई भू-भागका एक–दुई स्थानमा हल्का वर्षा हुन सक्ने महाशाखाले जनाएको छ।

मौसम पूर्वानुमान महाशाखाका अनुसार कर्णाली र सुदूरपश्चिमका सबै भू-भाग तथा गण्डकी र लुम्बिनीका पश्चिमी भू-भागमा पश्चिमी वायुको प्रभाव छ।

यस्तै, कोशी, मधेश र बागमतीका सबै भू-भाग तथा गण्डकी र लुम्बिनीका बाँकी भू-भागमा मनसुनी वायुको आंशिक प्रभाव रहेको छ।

यसका कारण पहाडी तथा हिमाली क्षेत्रमा मौसम बदलीसँगै केही स्थानमा वर्षा र हिमपातको सम्भावना रहेको महाशाखाले जनाएको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज