नेभिगेशन
समाज

गृहमन्त्री गुरुङको चेतावनी, 'राज्यको संवेदनशील सूचना चुहाउनेलाई कडा कारबाही हुन्छ'

काठमाडौँ । गृहमन्त्री सुधन गुरुङले गृह मन्त्रालय र मातहतका निकायमा कार्यरत कुनै पनि पदाधिकारी वा कर्मचारीले राज्यको संवेदनशील सूचना अनाधिकृत व्यक्ति वा निकायलाई चुहाएमा कडा कारबाही गरिने चेतावनी दिएका छन् ।

Watch On

Facebook Tiktok Youtube Instagram Twitter

मन्त्रालय र मातहतका निकायहरूबाट गोप्य सूचना चुहिने प्रवृत्तिप्रति गम्भीर ध्यानआकर्षण भएको जनाउँदै गृहमन्त्री गुरुङले यस्तो कार्य सह्य नहुने स्पष्ट पारेका हुन् ।

Marvel
Extreme Energy

'गृह मन्त्रालय र मातहतका निकायमा जिम्मेवारीमा रहेका कुनै पनि पदाधिकारी वा कर्मचारीले आफ्नो पदीय हैसियत भुलेर गोप्य वा संवेदनशील सूचना अनाधिकृत व्यक्ति वा निकायलाई चुहाउने प्रवृत्ति मैले लामो समयदेखि नियालिरहेको छु,' गृहमन्त्री गुरुङले फेसबुकमा लेखेका छन्, 'राज्यको संवेदनशील सूचना कसैको निजी सम्पत्ति होइन, यो एक सार्वजनिक जिम्मेवारी हो ।'

उनले पदले सूचनामा पहुँच दिए पनि त्यसको दुरुपयोग गर्ने अधिकार कसैलाई नदिने बताए । प्राप्त हुने सानाभन्दा साना सूचना, सुराक वा गुप्त जानकारीले अपराध रोक्न, अनुसन्धान अघि बढाउन तथा भविष्यमा कुनै गम्भीर घटनाको सत्यतथ्य स्थापित गर्न निर्णायक भूमिका खेल्ने उनको भनाइ छ ।

राज्यले सुम्पिएको गोपनीयता र विश्वासमाथि प्रहार गर्ने जोसुकैलाई कानूनको दायरामा ल्याइने गृहमन्त्री गुरुङले प्रतिबद्धता जनाए । 'राज्यले सुम्पिएको गोपनीयतामाथि जानाजान आफ्नो देश र सङ्गठनमाथि विश्वासघात गर्ने जोसुकै होस्, उसले कुनै उन्मुक्ति पाउने छैन; कडा कानूनको कठघरामा उभ्याइनेछ,' उनले चेतावनी दिए । 

सूचना चुहाएको आरोपमा सशस्त्र प्रहरीका एआईजी पक्राउ परेका गृहमन्त्री गुरुङको यो प्रतिक्रिया आएको हो । 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
बालेनको भारत भ्रमणबारे संयुक्त वक्तव्य पर्खिने बास्कोटाको भनाइ

बालेनको भारत भ्रमणबारे संयुक्त वक्तव्य पर्खिने बास्कोटाको भनाइ

नेकपा एमालेका नेता गोकुल बास्कोटाले प्रधानमन्त्री बालेन्द्र शाहको भारत भ्रमणको उपलब्धि दुई देशको संयुक्त वक्तव्यबाट स्पष्ट हुने बताएका छन्।
पहिलो संस्करणमै एपीएफलाई धरान महिला गोल्डकपको उपाधि

पहिलो संस्करणमै एपीएफलाई धरान महिला गोल्डकपको उपाधि

विभागीय टोली सशस्त्र प्रहरी बल (एपीएफ) फुटबल क्लबले प्रथम धरान अन्तर्राष्ट्रिय आमन्त्रण महिला गोल्डकप फुटबल प्रतियोगिताको उपाधि जितेको छ।
अपराधमा संलग्न ३५ जनाको प्रोफाइल तयार

अपराधमा संलग्न ३५ जनाको प्रोफाइल तयार

पर्सा प्रहरीले आपराधिक पृष्ठभूमि भएका ३५ जनाको प्रोफाइल तयार गरेको छ।