नेभिगेशन
समाज

गगनको घोषणा– कांग्रेसमा सबै गुट सकियो, कुनै समूह छैन

बन्दसत्रले सबै प्रतिवेदन पारित गर्‍यो, नयाँ नेतृत्व चयनका लागि भोलि बिहान १० बजेदेखि हुनेछ मतदान

काठमाडौँ । नेपाली कांग्रेसका सभापति गगनकुमार थापाले पार्टीभित्रको गुट र समूह समाप्त भएको घोषणा गरेका छन् । नेपाली कांग्रेसको १५औँ महाधिवेशन अन्तर्गत बन्दसत्र समापन कार्यक्रममा बोल्दै थापाले कोइराला, पौडेल लगायतका नाममा रहेका समूहसमेत अब नरहेको दाबी गरे।

Watch On

Facebook Tiktok Youtube Instagram Twitter

‘विशेष, न विशेष, कोइराला–पौडेल सबै गुट सकियो । कुनै समूह छैन । आजदेखि सबै सकियो गुट,’ थापाले भने।

Marvel
Extreme Energy

उनले महाधिवेशनपछि कांग्रेसलाई गुटगत आधारमा नभई एउटै पार्टीका रूपमा अघि बढाउने संकेत गरे । पार्टीभित्र लामो समयदेखि रहेका समूह र विभाजनभन्दा कांग्रेसलाई एकताबद्ध बनाएर अघि बढाउनुपर्ने उनको भनाइ छ ।

थापाले यसअघि पनि आफूले पार्टीको आन्तरिक व्यवस्थापनमा सीमित हुनेभन्दा कांग्रेसलाई समाज र जनताबीचको बहसमा केन्द्रित गर्ने बताए । उनले आफ्नो समयको ठूलो हिस्सा पार्टीभन्दा बाहिर कांग्रेसका नीति, विचार र मुलुकका विषयमा बहस गर्न खर्चिने बताएका छन् ।

सभापति थापाले महाधिवेशन सकिए लगत्तै स्थानीय तहकझ निर्वाचनसम्म दिनरात खटिने बताए ।

सभापति थापाको सम्बोधनसँगै बन्दसत्र सकिएको छ । त्यसअघि बन्दसत्रले सभापति थापा, उपसभापति विश्वप्रकाश शर्मा, महामन्त्री  गुरुराज घिमिरे र कोषाध्यक्ष उमेश श्रेष्ठले पेश गरेका चार वटै प्रतिवेदन पारित गरेको थियो । 
बन्दसत्रले सबै प्रतिवेदन पारित गरेसँगै कांग्रेस महाधिवेशनमा अब नयाँ नेतृत्व चयन हुने छ । 
नेतृत्व चयनका लागि भोलि बिहान १० बजेदेखि मतदान हुने छ । 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज