समाज

सर्‍यो कांग्रेस महाधिवेशनको मतदान

सिधाकुरा

बिहीबार, असोज २२, २०८३

काठमाडौं । नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि मतदान भोलि बिहान ७ बजेदेखि हुने भएको छ।

Watch On

केन्द्रीय निर्वाचन समितिले मतपत्र छपाइमा ढिलाइ भएका कारण आज निर्धारित समयमा मतदान प्रक्रिया सुरु गर्न नसकिएको जनाएको छ। समितिका अनुसार अहिले सबै मतपत्र छपाइ भएर आइसकेका छन् भने मतदान केन्द्र र आवश्यक जनशक्तिसहित सम्पूर्ण तयारी पूरा भएको छ।

निर्वाचन समितिका सदस्यसचिव राजु कटुवालले शुक्रबार जारी गरेको सूचनाअनुसार भोलि असोज २३ गते बिहान ७ बजे ज्येष्ठ मतदाताबाट मतदान सुरु हुनेछ। मतदान अपराह्न ३ बजेसम्म चल्नेछ।

समितिले रातको समयमा मतदान गराउँदा असहज हुने सुझाव तथा सम्भावित प्रतिकूल मौसमलाई समेत ध्यानमा राखेर मतदान बिहानबाट सुरु गर्ने निर्णय गरिएको जनाएको छ।

पार्टी नेतृत्वले आजै निर्वाचन प्रक्रिया अघि बढाउन आग्रह गरे पनि रातभर मतदान गराउनु उचित नहुने सुझाव आएपछि निर्वाचन कार्यक्रम परिवर्तन गरिएको समितिले जनाएको छ।

मतदान आज निर्धारण गरिएकै मतदान केन्द्रमा हुनेछ। सम्बन्धित प्रदेश, भ्रातृ तथा शुभेच्छुक संस्था र नेपाली जनसम्पर्क समितिका निर्वाचनसमेत सोहीअनुसार हुने निर्वाचन समितिले जनाएको छ।

प्रकाशित मिति: बिहीबार, असोज २२, २०८३

प्रतिक्रिया दिनुहोस्