नेभिगेशन
समाज

चाडपर्वमा हवाई भाडा महँगिएको गुनासोपछि सरकारको यस्तो पहल

काठमाडौं । चाडपर्व नजिकिएसँगै हवाई भाडा बढाइएको गुनासो आएपछि नेपाल नागरिक उड्डयन प्राधिकरण (क्यान)ले आन्तरिक वायुसेवा कम्पनीका पदाधिकारी तथा प्रतिनिधिसँग छलफल गरेको छ।

Watch On

Facebook Tiktok Youtube Instagram Twitter

प्रधानमन्त्री वालेन्द्र शाहको निर्देशन र संस्कृति, पर्यटन तथा नागरिक उड्डयनमन्त्री खडकराज पौडेल ‘गनेस’को सक्रियतामा क्यानले बिहीबार आन्तरिक वायुसेवा कम्पनीका प्रतिनिधिलाई बोलाएर हवाई भाडाका विषयमा छलफल गरेको हो।

Marvel
Extreme Energy

छलफलमा क्यान र वायुसेवा कम्पनीका पदाधिकारी तथा प्रतिनिधिबीच स्वीकृत भाडादरभन्दा सस्तोमा टिकट बिक्री तथा वितरण गर्ने सहमति भएको छ।

त्यस्तै, सस्तो भाडादरमा टिकट उपलब्ध हुने विषयमा सम्बन्धित वायुसेवा कम्पनीका बिक्री तथा वितरण प्लेटफर्मबाटै सूचना सार्वजनिक गर्ने सहमति भएको क्यानले जनाएको छ।

आन्तरिक हवाई सेवातर्फ न्यूनतमदेखि अधिकतम भाडादर निर्धारण गरिएको छ। २०७२ मंसिर २७ गते तत्कालीन पर्यटनमन्त्रीस्तरीय निर्णयबाट आन्तरिक हवाई सेवाको भाडादर निर्धारण गरिएको थियो।

चाडपर्वका बेला यात्रुको चाप बढ्ने भएकाले तोकिएको भाडादरभन्दा बढी रकम नलिन र यात्रुलाई सहज रूपमा टिकट उपलब्ध गराउन क्यानले वायुसेवा कम्पनीहरूलाई आग्रह गरेको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज