समाज

ठमेलमा विदेशी पर्यटकले पनि लगाए बडादसैँको टीका

सिधाकुरा

बुधबार, कात्तिक ४, २०८३

ठमेलमा विदेशी पर्यटकले पनि लगाए बडादसैँको टीका

काठमाडौँ । नेपाल भ्रमणमा रहेका विदेशी पर्यटकले पनि नेपाली संस्कृति र परम्पराप्रति उत्साह देखाउँदै बडादसैँको टीका र जमरा लगाएका छन् ।

Watch On

नेपालीको महान् पर्व बडादसैँका अवसरमा ठमेलस्थित काठमाडौँ इको होटलमा विदेशी पर्यटकले नेपाली परम्पराअनुसार रातो टीका र जमरा ग्रहण गर्दै दसैँको खुसी साटासाट गरेका हुन् ।

नेपाल भ्रमणमा आएका पर्यटकले नेपाली संस्कृति, मौलिक परम्परा र चाडपर्वको अनुभव लिँदै दसैँ मनाएका छन् । उनीहरूका लागि टीका र जमरा ग्रहण गर्नु नेपाली संस्कृतिलाई नजिकबाट बुझ्ने अवसरसमेत बनेको छ ।

पछिल्लो समय नेपालको धार्मिक, सांस्कृतिक तथा प्राकृतिक सौन्दर्यबाट आकर्षित भएर आउने विदेशी पर्यटकले नेपाली संस्कार र परम्पराअनुसारका पर्व तथा उत्सवमा सहभागी हुने गरेका छन् ।

नेपाल पर्यटन बोर्डका सञ्चालक समिति सदस्य एवं काठमाडौँ इको होटल ठमेलका सञ्चालक सहदेव धमलाले यस्ता गतिविधिले नेपालको सांस्कृतिक विविधता, मौलिक परम्परा र अतिथि सत्कारको पहिचानलाई अन्तरराष्ट्रियस्तरमा प्रवर्द्धन गर्न सहयोग पुग्ने बताए ।

ठमेल पर्यटन विकास परिषद्का महासचिव पशुपति कँडेलले बडादसैँले नेपाली र विदेशीबीच आपसी सद्भाव, मित्रता र सांस्कृतिक सम्बन्धलाई थप प्रगाढ बनाएको बताए ।

प्रकाशित मिति: बुधबार, कात्तिक ४, २०८३

प्रतिक्रिया दिनुहोस्