समाज

आज नेपाल प्रहरीले तीन रुटमा चलाउनेछ निःशुल्क बस

सिधाकुरा

बुधबार, कात्तिक ४, २०८३

आज नेपाल प्रहरीले तीन रुटमा चलाउनेछ निःशुल्क बस

काठमाडौँ । बडादसैँका अवसरमा सर्वसाधारणको सहज आवतजावतका लागि नेपाल प्रहरीले काठमाडौँ उपत्यकामा तीन रुटमा निःशुल्क बस सेवा सञ्चालन गरिरहेको छ।

Watch On

प्रहरीले कात्तिक ३ र ४ गते निःशुल्क बस सेवा सञ्चालन गरिरहेको हो। बुधबार बिहान ८ बजेदेखि सिफ्ट सञ्चालन सञ्चालन भएको थियो।दिउँसो ३ः३० बजेदेखि दोस्रो सिफ्ट सञ्चालन हुनेछ।

रुट नं. १ अन्तर्गत नयाँ बसपार्कबाट बालाजु, स्वयम्भू, कलंकी, बल्खु, सातदोबाटो, लगनखेल, जावलाखेल, थापाथली, माइतीघर, पुतलीसडक, जयनेपाल हल, नक्साल, बालुवाटार, टिचिङ र चक्रपथ हुँदै पुनः नयाँ बसपार्क पुग्नेछ।

रुट नं. २ अन्तर्गत सूर्यविनायकबाट सल्लाघारी, कोटेश्वर, बानेश्वर, रत्नपार्क, नक्साल, बालुवाटार, टिचिङ, चक्रपथ, सुकेधारा, चाबहिल, गौशाला र एयरपोर्ट हुँदै कोटेश्वर भएर सूर्यविनायक पुग्नेछ।

त्यस्तै, रुट नं. ३ अन्तर्गत नारायण गोपाल चोकबाट चक्रपथ, सुकेधारा, गौशाला, एयरपोर्ट, कोटेश्वर, सातदोबाटो, एकान्तकुना, बल्खु, कलंकी, चक्रपथ, महाराजगञ्ज, सोह्रखुट्टे, बालाजु चोक र नयाँ बसपार्क हुँदै पुनः नारायण गोपाल चोक पुग्नेछ।

दसैँका बेला सार्वजनिक यातायातमा हुने चाप तथा सर्वसाधारणको आवतजावतलाई सहज बनाउने उद्देश्यले प्रहरीले निःशुल्क बस सेवा सञ्चालन गर्न लागेको हो।

प्रकाशित मिति: बुधबार, कात्तिक ४, २०८३

प्रतिक्रिया दिनुहोस्