भाइटीकामा यात्रुको सहजताका लागि सशस्त्र प्रहरीका तीन निःशुल्क बस सञ्चालन
काठमाडौँ । भाइटीकाका दिन सार्वजनिक यातायातका साधन न्यून सङ्ख्यामा सञ्चालन हुने भएपछि सशस्त्र प्रहरी बल, नेपालले सर्वसाधारणको आवतजावत सहज बनाउन काठमाडौँ उपत्यकामा तीनवटा निःशुल्क बस सञ्चालन गरेको छ ।
Watch On
दाजुभाइ तथा दिदीबहिनीबीच टीका लगाउन जाने यात्रुलाई सार्वजनिक यातायातको अभावमा समस्या नहोस् भन्ने उद्देश्यले सशस्त्र प्रहरीले बिहान ८ बजेदेखि बेलुका ५ बजेसम्म बस सेवा उपलब्ध गराएको हो । सशस्त्र प्रहरी बलका सहप्रवक्ता डीएसपी शैलेन्द्र थापाका अनुसार तीनवटै बसले काठमाडौँ, ललितपुर र भक्तपुरका विभिन्न स्थानलाई समेट्ने गरी रुट निर्धारण गरिएको छ ।
तीनवटै बसका रुट फरकफरक निर्धारण गरिएको छ । पहिलो बस सशस्त्र प्रहरी बलको प्रधान कार्यालयबाट सुरु भई बालाजु, नयाँ बसपार्क, कोटेश्वर, सातदोबाटो र बल्खु हुँदै सञ्चालन हुनेछ । दोस्रो बसले सीतापाइला, कलंकी, बल्खु, कोटेश्वर र नयाँ बसपार्क क्षेत्रलाई समेट्नेछ ।
त्यस्तै, स्वयम्भूस्थित सशस्त्र प्रहरी प्रधान कार्यालयबाट भक्तपुरसम्म सञ्चालन हुने तेस्रो बसले स्वयम्भू, कलंकी, बानेश्वर, कोटेश्वर, पेप्सिकोला, सानोठिमी, पुरानोठिमी, सल्लाघारी र लोकन्थली हुँदै पुनः बानेश्वर, कलंकी भएर स्वयम्भूसम्मको यात्रा गर्नेछ ।
सशस्त्र प्रहरी बलका सहप्रवक्ता डीएसपी शैलेन्द्र थापाका अनुसार चाडपर्वका बेला सार्वजनिक यातायातको अभावमा सर्वसाधारणले भोग्नुपर्ने असुविधा कम गर्न यस्तो सेवा सञ्चालन गरिएको हो । सशस्त्र प्रहरीले दसैँका अवसरमा पनि उपत्यकामा निःशुल्क बस सेवा सञ्चालन गरेको थियो ।
-1791531305.jpeg)
-1791211018.jpg)
भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
प्रधानमन्त्री बालेन शाहले भाइटीकाले दाजुभाइ तथा दिदीबहिनीबीचको प्रेम, विश्वास, आपसी सम्मान र आत्मीयतालाई अझ प्रगाढ बनाउन प्रेरणा प्रदान गर्ने बताएका छन् । बुधबार, कात्तिक २५, २०८३
जङ्गली हात्तीको आक्रमणबाट महिलाको मृत्यु
कञ्चनपुरको शुक्लाफाँटा नगरपालिका–२ मा जङ्गली हात्तीको आक्रमणबाट एक महिलाको मृत्यु भएको छ । बुधबार, कात्तिक २५, २०८३
आधुनिकताले फेरिँदै तिहारको संस्कृति
तिहार भन्नेबित्तिकै घरघरमा माटाका दियो बाल्ने, समूहमा देउसीभैलो खेल्ने र मौलिक लोकभाकामा गीत गुञ्जिने दृश्य सम्झनामा आउँछ । बुधबार, कात्तिक २५, २०८३
दुई मोटरसाइकल ठोक्किँदा एक जनाको मृत्यु, तीन गम्भीर घाइते
बर्दियाको बाँसगढी नगरपालिका–५ मोतिपुर जंगलस्थित भित्री सडकखण्डमा दुई मोटरसाइकल आपसमा ठोक्किँदा एक जनाको मृत्यु भएको छ भने तीन जना गम्भीर र एक जना सामान्य घाइते भएका छन्। बुधबार, कात्तिक २५, २०८३भर्खरै
- भाइटीकामा यात्रुको सहजताका लागि सशस्त्र प्रहरीका तीन निःशुल्क बस सञ्चालन
- भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
- जङ्गली हात्तीको आक्रमणबाट महिलाको मृत्यु
- आधुनिकताले फेरिँदै तिहारको संस्कृति
- दुई मोटरसाइकल ठोक्किँदा एक जनाको मृत्यु, तीन गम्भीर घाइते
- हिमालको पीडा कोप–३१ को निर्णयमा लेखाउने नेपालको प्रयास
- जलवायु अनुकूलन जलवायु न्यायको विषय पनि होः परराष्ट्रमन्त्री खनाल
- बन्दैछ गच्छे–भालुबाङ सडक : १२० किलोमिटरको यात्रा अब ७३ किलोमिटरमा झर्ने
