नेभिगेशन
समाज

१८ वर्ष विदेश बसेर फर्किएका मीनबहादुर गाउँमै रमाउँदै, घ्यू बेचेर वार्षिक तीन लाख बचत

कतार र कुवेतको रोजगारी छाडेर आठ वर्षदेखि भैँसीपालन, मर्दी हिमाल पदमार्गका पर्यटकसम्म पुग्छ गाउँको घ्यू

कास्की । १८ वर्ष कतार र कुवेतमा बिताए। परिवारबाट टाढा रहेर पसिना बगाए। तर, विदेशको कमाइभन्दा आफ्नै गाउँमा परिवारसँगै बसेर केही गर्ने रहर बलियो भएपछि कास्कीका मीनबहादुर क्षेत्री स्वदेश फर्किए।

Watch On

Facebook Tiktok Youtube Instagram Twitter

माछापुच्छ्रे गाउँपालिका–९ सिदिङका ४८ वर्षीय क्षेत्री अहिले गाउँमै भैँसीपालन गरेर आम्दानी गरिरहेका छन्। विदेशको रोजगारी छाडेर फर्किएका उनले आठ वर्षदेखि भैँसीपालनलाई आफ्नो पेसा बनाएका हुन्।

Marvel
Extreme Energy

उनको गोठमा अहिले १६ वटा भैँसी छन्। तीमध्ये पाँचवटा दुहुना छन्। उनले भैँसीको दूध सिधै बिक्री गर्दैनन्। दूधबाट दही जमाएर मोही पार्छन् र त्यसबाट घ्यू उत्पादन गरी बजारमा पुर्‍याउँछन्।

पाँच दिनको दूधबाट करिब चार लिटर घ्यू उत्पादन हुने क्षेत्री बताउँछन्। उत्पादित घ्यू प्रतिलिटर एक हजार ५०० रुपैयाँमा बिक्री हुन्छ।

उनको घ्यूको बजार सिदिङ गाउँमा मात्रै सीमित छैन। मर्दी हिमाल पदयात्रामा आउने पर्यटकसम्म पनि उनले स्थानीय उत्पादन पुर्‍याउँदै आएका छन्। लो क्याम्प र फरेष्ट क्याम्पसम्म घ्यू पुर्‍याएर बिक्री गर्ने गरेको उनी बताउँछन्।

पदयात्रामा आउने पर्यटकलाई स्थानीय उत्पादन बिक्री गर्न सके बजारको समस्या नहुने उनको अनुभव छ।

लेकमा चराउँछन् भैँसी, घटाउँछन् खर्च

क्षेत्रीले भैँसीपालनका लागि गाउँकै चरन क्षेत्रको उपयोग गर्दै आएका छन्। दूध दिने भैँसीलाई गोठमा बाँधेर राख्छन् भने दूध दिन छाडेका भैँसीलाई लेकतिर चराउन लैजान्छन्।

सिदिङबाट कालीमाटीमाथिको लेकसम्म भैँसी चराउन लैजाँदा घाँस, दाना र परालको खर्च कम हुने उनी बताउँछन्।

“दूध दिने भैँसीलाई गोठमै बाँध्ने हो, दूध दिन छाडेकालाई लेकतिर चराउन लैजाने हो। यसबाट घाँस, दाना र परालको खर्च कम हुन्छ,” उनी भन्छन्।

घ्यू उत्पादनसँगै क्षेत्रीले राँगा तथा भैँसीको खरिदबिक्रीसमेत गर्दै आएका छन्। राम्रो दूध दिने भैँसीको मूल्य एक लाख रुपैयाँसम्म पर्ने उनी बताउँछन्।

घ्यू र भैँसीको बिक्रीबाट घरखर्च कटाएर वार्षिक करिब तीन लाख रुपैयाँ बचत हुने उनको भनाइ छ।

विदेशको कमाइभन्दा परिवारसँगै बस्नुको सन्तुष्टि

विदेशमा लामो समय काम गर्दा परिवारबाट टाढा बस्नुपरेको अनुभवले उनलाई स्वदेश फर्किएर आफ्नै व्यवसाय गर्ने प्रेरणा दिएको थियो। अहिले परिवारसँगै बसेर आफ्नै पेसा गर्न पाउँदा उनी सन्तुष्ट छन्।

भैँसीपालनलाई निरन्तरता दिन परिवारको साथ र सहयोगले सहज भएको उनी बताउँछन्।

उनले छोरीलाई स्नातक तहसम्म अध्ययन गराएका छन्। छोरी अहिले जापानमा छिन् भने दुई छोरा कक्षा ९ मा अध्ययनरत छन्।

विदेशमा आर्जन गरेको अनुभव, मेहनत र सीप आफ्नै गाउँमा उपयोग गर्न सके आम्दानीका लागि विदेश नै जानुपर्ने बाध्यता नहुने उनको अनुभव छ।

गाउँको लेकाली वातावरणमा पशुपालन गर्दै परिवारसँगै जीवन बिताउन पाउँदा आफू खुसी रहेको क्षेत्री बताउँछन्।

१८ वर्षको वैदेशिक रोजगारीपछि गाउँ फर्किएका मीनबहादुरको अहिलेको दैनिकी भैँसीको स्याहार, दूधबाट घ्यू उत्पादन र बजारसम्म पुर्‍याउने काममै बित्छ। उनको अनुभवले स्थानीय स्रोत, चरन क्षेत्र र पर्यटकीय बजारलाई जोड्न सके गाउँमै पनि आम्दानीको दिगो आधार बनाउन सकिने देखाउँछ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
एमालेको राष्ट्रिय भेला आजदेखि, ३ हजार ४१४ जना सहभागी हुँदै

एमालेको राष्ट्रिय भेला आजदेखि, ३ हजार ४१४ जना सहभागी हुँदै

एमालेले पार्टीको इतिहासमा पालिका तहका कमिटीदेखि केन्द्रीय नेतृत्व र संघीय संसददेखि स्थानीय तहसम्मका जनप्रतिनिधि एकै ठाउँमा सहभागी हुने गरी राष्ट्रिय भेला आयोजना गर्न लागेको यो पहिलो पटक भएको...
देशका विभिन्न भागबाट २१ जना किन परे पक्राउ ?

देशका विभिन्न भागबाट २१ जना किन परे पक्राउ ?

प्रहरीले देशका विभिन्न १० जिल्लाबाट लागुऔषधसहित २१ जनालाई पक्राउ गरेको छ।
हुलाकी सडकले फेरिँदै बाँकेका दुर्गम गाउँको मुहार

हुलाकी सडकले फेरिँदै बाँकेका दुर्गम गाउँको मुहार

कुनै बेला भारतीय बाटो प्रयोग गरेर सदरमुकाम नेपालगञ्ज पुग्नुपर्ने बाँकेको नरैनापुर क्षेत्रका बासिन्दा अहिले आधा घण्टामै नेपालगञ्ज पुग्न सक्छन्। हुलाकी सडक निर्माणसँगै वर्षौंदेखि दुर्गम मानिँदै आएका बाँकेका गाउँको...
बघिनी र पाँच डमरु बचाउन राजकुमारले देहत्याग गरेको किंवदन्तीसँग जोडिएको नमोबुद्ध जात्रा सुरु हुँदै

बघिनी र पाँच डमरु बचाउन राजकुमारले देहत्याग गरेको किंवदन्तीसँग जोडिएको नमोबुद्ध जात्रा सुरु हुँदै

भोकले छटपटिएकी बघिनी र उनका पाँच डमरुको जीवन बचाउन आफ्नो शरीर अर्पण गरेको बौद्ध किंवदन्तीसँग जोडिएको ऐतिहासिक नमोबुद्ध जात्रा सोमबारदेखि सुरु हुँदैछ।